ಮಧ್ಯಪ್ರದೇಶದ ಬುಡಕಟ್ಟು ಪ್ರದೇಶವಾದ ಖಂದ್ವಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಸುಂದರ್ ದೇವ್ ಗ್ರಾಮದಲ್ಲಿ ತಾರಾಬಾಯಿ ಎಂಬ ಮಹಿಳೆ ಡಿ.22 ರಂದು ಜನ್ಮ ನೀಡಿದ್ದ ಹೆಣ್ಣುಮಗುವಿಗೆ ಎರಡೂ ಕೈ ಹಾಗೂ ಕಾಲುಗಳಲ್ಲಿ 6 ಬೆರಳುಗಳಿದ್ದವು. ಹೆಣ್ಣುಮಗುವಾದ್ದರಿಂದ ದೊಡ್ಡವಳಾದ ಮೇಲೆ ಇದು ಅವಲಕ್ಷಣವಾಗಿ ಕಂಡು ಮದುವೆಯಾಗುವ ಸಾಧ್ಯತೆಗಳು ಕಡಿಮೆಯಾಗಬಹುದೆಂಬ ಭಯದಿಂದ ಸ್ವತಃ ತಾಯಿಯೇ ಮಗುವಿನ ಕೈ ಕಾಲಿನ ಹೆಚ್ಚುವರಿ ಬೆರಳುಗಳನ್ನು ಕತ್ತರಿಸಿದ್ದಾರೆ. ಆದರೆ ಇದರಿಂದಾಗಿ ಮಗು ಸಾವನ್ನಪ್ಪಿದೆ.