ಪಣಜಿ: ಹೆಣ್ಣುಮಕ್ಕಳು ಕೂಡ ಬಿಯರ್ ಕುಡಿಯಲು ಆರಂಭಿಸಿರುವುದು ನಿಜಕ್ಕೂ ಆತಂಕಕಾರಿ ಬೆಳವಣಿಗೆ ಎಂದು ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಹೇಳಿದ್ದಾರೆ.

ರಾಜ್ಯದ ಶಾಸಕಾಂಗ ಕಚೇರಿ ಆಯೋಜಿಸಿದ್ದ ರಾಜ್ಯ ಯುವ ಸಂಸತ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಪರಿಕ್ಕರ್, ಹೆಣ್ಣುಮಕ್ಕಳೂ ಕೂಡ ಬಿಯರ್ ಕುಡಿಯಲು ಆರಂಭಿಸಿರುವುದು ನಿಜಕ್ಕೂ ಆತಂಕಕಾರಿ ಬೆಳವಣಿಗೆಯಾಗಿದ್ದು,  ಸಹಿಸಿಕೊಳ್ಳುವ ಮಿತಿಯನ್ನು ಅವರು ಮೀರಿದ್ದಾರೆ" ಎಂದು ಪರಿಕ್ಕರ್ ಹೇಳಿದ್ದಾರೆ.

ತಮ್ಮ ಹೇಳಿಕೆ ವಿವಾದಕ್ಕೆ ಕಾರಣವಾಗಬಹುದು ಎಂದೆಣಿಸಿದ ಪರಿಕ್ಕರ್ ಕೂಡಲೇ ತಮ್ಮ ಹೇಳಿಕೆ ಸಮಜಾಯಿಷಿ ನೀಡಿ, ""ಎಲ್ಲರೂ ಅಲ್ಲ. ನಾನು ಇಲ್ಲಿ ಸೇರಿರುವವರ ಅಥವಾ ಎಲ್ಲರ ಬಗ್ಗೆಯೂ ಮಾತನಾಡುತ್ತಿಲ್ಲ.. ಶಿಕ್ಷಣ  ಸಂಸ್ಥೆಗಳಲ್ಲಿ ಮಾದಕ ವಸ್ತುಗಳ ಬಳಕೆ ಹೊಸ ಸಂಪ್ರದಾಯವಲ್ಲ. ನಾನು ಐಐಟಿಗೆ ಹೋಗುತ್ತಿದ್ದಾಗ ಸಣ್ಣ ಗುಂಪು ಗಾಂಜಾ ಸೇವಿಸುತ್ತಿತ್ತು. ಆದ್ದರಿಂದ ಇದು ಹೊಸ ಬೆಳವಣಿಗೆಯಲ್ಲ. ವಿದ್ಯಾರ್ಥಿಗಳ ಸಣ್ಣ ವರ್ಗವೊಂದು ಅಶ್ಲೀಲತೆಗೂ  ಬಲಿಯಾಗಿದೆ. ರಾಜ್ಯದಲ್ಲಿ ಮಾದಕ ವಸ್ತು ಜಾಲವನ್ನು ನಿರ್ಮೂಲನೆ ಮಾಡಲು ತಮ್ಮ ಸರ್ಕಾರ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ ಎಂದು ಪರಿಕ್ಕರ್ ಹೇಳಿದ್ದಾರೆ.

ಗೋವಾ ಸಿಎಂ ಮನೋಹರ್ ಪರಿಕ್ಕರ್ ಹೇಳಿಕೆಗೆ ಇದೀಗ ಗೋವಾದಲ್ಲಿ ಮಿಶ್ರ ಪ್ರತಿಕ್ರೆಯ ವ್ಯಕ್ತವಾಗುತ್ತಿದೆ.