ರಾಯಪುರ್: ನಿಷೇಧಿತ ಸಿಪಿ-ಐ(ಮಾವೋವಾದಿ) ಪೊಲೀಸರೊಂದಿಗಿನ ಗುಂಡಿನ ದಾಳಿಯ ವೇಳೆ ಗಾಯಗೊಂಡ ಮತ್ತು ಮೃತಪಟ್ಟ ಕಾಮ್ರೆಡ್ ಗಳನ್ನು ಸಾಗಿಸುವ ಕುರಿತು ಯುವ ನಕ್ಸಲರಿಗೆ ತರಬೇತಿ ನೀಡುತ್ತಿರುವ ವಿಡಿಯೋ ಈಗ ವೈರಲ್ ಆಗಿದೆ.

ವಿಡಿಯೋದಲ್ಲಿ ಆಲಿವ್ ಹಸಿರು ಬಣ್ಣದ ಸಮವಸ್ತ್ರ ಧರಿಸಿರುವ ಯುವಕರಿಗೆ ನಕ್ಸಲರು ತರಬೇತಿ ನೀಡುತ್ತಿರುವುದು ದಾಖಲಾಗಿದೆ. ಎನ್ ಕೌಂಟರ್ ವೇಳೆ ಗಾಯಗೊಂಡ ಅಥವಾ ಮೃತ ನಕ್ಸಲರನ್ನು ಸ್ಥಳದಿಂದ ಹೇಗೆ ಸಾಗಿಸಬೇಕು ಎಂಬುದರ ಕುರಿತು ಯುವ ಕಾಮ್ರೆಡ್ ಗಳಿಗೆ ಮಾಹಿತಿ ನೀಡಲಾಗಿದೆ.

ನಕ್ಸಲರು ತರಬೇತಿ ನೀಡುತ್ತಿರುವ ಸ್ಥಳದ ಬಗ್ಗೆ ವಿಡಿಯೋದಲ್ಲಿ ಯಾವುದೇ ಮಾಹಿತಿ ಇಲ್ಲ. ಆದರೆ ದಕ್ಷಿಣ ಛತ್ತೀಸ್ ಗಢದ ಬಸ್ತಾರ್ ನ ದಟ್ಟ ಅರಣ್ಯದ ಮಧ್ಯ ಈ ತರಬೇತಿ ನಡೆದಿರುವ ಸಾಧ್ಯತೆ ಇದೆ ಎನ್ನಲಾಗಿದೆ.