ತಮಿಳುನಾಡು: ಹೆಲ್ಮೆಟ್ ಧರಿಸದ್ದಕ್ಕೆ ಟ್ರಾಫಿಕ್ ಇನ್ಸ್ ಪೆಕ್ಟರ್ ಬೈಕ್ ಗೆ ಒದ್ದ ಪರಿಣಾಮ ಕೆಳಗೆ ಬಿದ್ದ ಗರ್ಭಿಣಿ ಮಹಿಳೆ  ಸಾವನ್ನಪ್ಪಿರುವ ಘಟನೆ ತಮಿಳುನಾಡಿನ ತಿರುಚ್ಚಿಯಲ್ಲಿ ನಡೆದಿದೆ.

ಹೆಲ್ಮೆಟ್ ಧರಿಸಿಲ್ಲ ಎಂದು ಬೈಕ್ ಮೇಲೆ ಹೋಗುತ್ತಿದ್ದ ದಂಪತಿಗಳನ್ನು ಪೊಲೀಸರು ಬೆನ್ನತ್ತಿದ್ದಾರೆ. ಈ ವೇಳೆ ಪೊಲೀಸರು ದಂಪತಿ ಹೋಗುತ್ತಿದ್ದ ಬೈಕ್ ಗೆ ಒದೆದಿದ್ದಾರೆ, ಈ ಘಟನೆಯಲ್ಲಿ ಬೈಕ್‌ನಿಂದ ಗರ್ಭಿಣಿ ಜಾರಿ ಬಿದ್ದಿದ್ದಾರೆ. ತೀವ್ರವಾಗಿ ಗಾಯಗೊಂಡ ಆಕೆ ಸ್ಥಳದಲ್ಲೇ ಮೃತಪಟ್ಟಿದ್ದು, ಪತಿ ಗಂಭೀರವಾಗಿ ಗಾಯಗೊಂಡಿದ್ದಾರೆ..

ತಿರುಚ್ಚಿ-ತಂಜಾವೂರು ರಾಷ್ಟ್ರೀಯ ಹೆದ್ದಾರಿ ಥುವಕುಡಿಯ ಗಣೇಶ ಸರ್ಕಲ್‌ ಬಳಿ ಟ್ರಾಫಿಕ್ ಪೊಲೀಸರು ತನಿಖೆ ಮಾಡುತ್ತಿದ್ದರು. ಇದೇ ಸಮಯದಲ್ಲಿ ಸೂಲಪೇಟೆ ಮೂಲದ ರಾಜ ಆತನ ಪತ್ನಿ ಉಷಾ ಬೈಕ್ ಮೇಲೆ ಹೋಗುತ್ತಿದ್ದರು. ಅವರ ಬೈಕನ್ನು ಪೊಲೀಸರು ನಿಲ್ಲಿಸುವ ಪ್ರಯತ್ನ ಮಾಡಿದರು. ಆದರೆ ಬೈಕ್ ನಿಲ್ಲಿಸದೆ ರಾಜ ಮುಂದೆ ಸಾಗಿದರು.

ಈ ಘಟನೆಯಿಂದ ರೊಚ್ಚಿಗೆದ್ದ ಮೃತರ ಕುಟುಂಬಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪೊಲೀಸರ ಕ್ರಮವನ್ನು ವಿರೋಧಿಸಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಪ್ರತಿಭಟನೆ ನಡೆಸಿದ್ದಾರೆ.ಸ್ಥಳೀಯರ ದಾಳಿಯಲ್ಲಿ ಪೊಲೀಸರ ವಾಹನಗಳು ಜಖಂ ಆಗಿವೆ.