ಮುಂಬಯಿ: ತೀವ್ರ ಹೃದಯಾಘಾತದಿಂದಾಗಿ ಮಹಾರಾಷ್ಟ್ರ ಕೃಷಿ ಸಚಿವ ಪಾಂಡುರಂಗ ಪುಂಡಲೀಕ ಫುಂಡ್ಕರ್ ಗುರುವಾರ ನಿಧನರಾಗಿದ್ದಾರೆ.
ಮುಂಬಯಿಯ ಕೆ.ಜೆ ಸೋಮಿಯಾ ಆಸ್ಪತ್ರೆಗೆ ದಾಖಲಾಗಿದ್ದ ಪುಂಡಲೀಕ್ ಗೆ ಕಳೆದ 2 ದಿನಗಳಿಂದ ಚಿಕಿತ್ಸೆ ನೀಡಲಾಗುತ್ತಿತ್ತು, ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಇಂದು ಮುಂಜಾನೆ ನಿಧನರಾಗಿದ್ದಾರೆ.
ಮಧುಮೇಹಿ ರೋಗಿಯಾಗಿದ್ದ ಪುಂಡಲೀಕ್ ಅವರನ್ನು ಬದುಕಿಸಲು ವೈದ್ಯರು ಮಾಡಿದ ಪ್ರಯತ್ನಗಳೆಲ್ಲಾ ವಿಫಲವಾಯಿತು.
ಪುಂಡಲೀಕ್ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸಂತಾಪ ಸೂಚಿಸಿದ್ದಾರೆ, ರೈತರಿಗಾಗಿ ಹಲವು ಪ್ರಗತಿ ಪರ ಕಾರ್ಯಕ್ರಮಗಳನ್ನು ಜಾರಿಗೆ ತಂದಿದ್ದರು ಎಂದು ಹೇಳಿದ್ದಾರೆ.