ನವದೆಹಲಿ: ಭಾರತೀಯ ವಾಯುಪಡೆ ಉಪಮುಖ್ಯಸ್ಥ ಏರ್ ಮಾರ್ಷಲ್ ಶಿರಿಶ್ ಬಾಬನ್ ದೇವ್ ಅವರು ಆಕಸ್ಮಿಕವಾಗಿ ತಮ್ಮ ತೊಡೆಗೆ ತಾವೇ ಗುಂಡು ಹೊಡೆದುಕೊಂಡಿದ್ದಾರೆ.
ಗಾಯಗೊಂಡಿರುವ ಅವರನ್ನು ದೆಹಲಿ ಮಿಲಿಟರಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಶಸ್ತ್ರಚಿಕಿತ್ಸೆ ಮೂಲಕ ಗುಂಡು ತೆಗೆಯಲಾಗಿದೆ. ತೊಡೆ ಭಾಗದಲ್ಲಿ ಮೂಳೆ ಮುರಿದಿರುವುದರಿಂದ ಪ್ಲೇಟ್ ಅಳವಡಿಸಲಾಗಿದೆ.
ದೇವ್ ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ. ಘಟನೆ ಬಗ್ಗೆ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ದೇವ್ ಅವರು ಐಎಎಫ್ ಉಪ ಮುಖ್ಯಸ್ಥರಾಗಿ ಜುಲೈನಲ್ಲಿ ಅಧಿಕಾರ ಸ್ವೀಕರಿಸಿದ್ದರು.