ಮುಂಬೈ: ದುಡ್ಡಿಗಾಗಿ ತಾಯಿಯೇ ಮಗಳನ್ನು 60 ವರ್ಷದ ಮುದುಕನ ಜೊತೆ ಪಲ್ಲಂಗ ಏರುವಂತೆ ಬಲವಂತ ಮಾಡಿದ್ದು ಇದರಿಂದ ನೊಂದ ಯುವತಿ ತನ್ನ ಕಷ್ಟವನ್ನು ಅಣ್ಣ ಬಳಿ ಹೇಳಿಕೊಳ್ಳಲು ಬಂದರೆ ಆತನೇ ಆಕೆಯನ್ನು ರೇಪ್ ಮಾಡಿ ಹೆದರಿಸಿರುವ ಹೀನ ಕೃತ್ಯ ನಡೆದಿದೆ.
ಮುಂಬೈನಲ್ಲಿ ಈ ಘಟನೆ ನಡೆದಿದೆ. ಈ ಸಂಬಂಧ ಸಂತ್ರಸ್ತೆಯ ತಾಯಿ, ಆಕೆಯ ಅಣ್ಣ, ಗಂಡ ಹಾಗೂ ಇನ್ನಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.
ಬಲವಂತ ಮಾಡಿ ತಾಯಿಯೇ ಮಗಳಿಗೆ 2018ರ ಏಪ್ರಿಲ್ ನಲ್ಲಿ ಯುವಕನೋರ್ವನ ಜೊತೆ ಮದುವೆ ಮಾಡಿಸಿರುತ್ತಾಳೆ. ಇನ್ನು ಮದುವೆಯಾದ ಗಂಡ ಸಹ ಮತ್ತೊಬ್ಬರ ಜೊತೆ ಮಲಗುವಂತೆ ಬಲವಂತ ಮಾಡುತ್ತಾನೆ. ಇದರಿಂದ ಬೇಸತ್ತ ಸಂತ್ರಸ್ತೆ ತಾಯಿಯ ಮನೆಗೆ ಬರುತ್ತಾಳೆ.
ಕೆಲ ತಿಂಗಳ ಬಳಿಕ ತಾಯಿಯೇ ದುಡ್ಡಿಗಾಗಿ ಮಗಳನ್ನು 60 ವರ್ಷದ ಮುದುಕನ ಜೊತೆ ಮಲಗುವಂತೆ ಬಲವಂತ ಮಾಡುತ್ತಾಳೆ. ಹೀಗಾಗಿ ತನ್ನ ಗೋಳನ್ನು ಅಣ್ಣನ ಬಳಿ ಹೇಳಿಕೊಳ್ಳಲು ಬಂದಾಗ ಆತನ ಸಹ ಆಕೆಯ ಮೇಲೆ ರೇಪ್ ಮಾಡಿ ಯಾರಿಗಾದರೂ ಹೇಳಿದರೆ ಸಾಯಿಸುವ ಬೆದರಿಕೆ ಹಾಕಿದ್ದಾನೆ.
ಈ ಎಲ್ಲ ಬೆಳವಣಿಗೆಯಿಂದ ನೊಂದ ಸಂತ್ರಸ್ತ ಮಹಿಳೆ ನೇರವಾಗಿ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದ್ದಾಳೆ. ಈ ಸಂಬಂಧ ಪೊಲೀಸರು ಐವರನ್ನು ಬಂಧಿಸಿದ್ದು 60 ವರ್ಷದ ಮುದುಕನಿಗಾಗಿ ಶೋಧ ಕಾರ್ಯ ಮುಂದುವರೆಸಿದ್ದಾರೆ.