ಲಕ್ನೋ:  ದೆಹಲಿ ಪಬ್ಲಿಕ್ ಶಾಲೆಯ 10 ನೇ ತರಗತಿ ವಿದ್ಯಾರ್ಥಿನಿ ರಾಶಿ ವರ್ಮಾ ಅವರು ಚಂದ್ರನ ಅಂಗಳದಲ್ಲಿ  ಚಂದ್ರಯಾನ  - 2 ನೌಕೆ  ಇಳಿಯುವುದನ್ನು ವೀಕ್ಷಿಸಲು ದೇಶಾದ್ಯಂತದ 60 ಮಕ್ಕಳಲ್ಲಿ ಆಯ್ಕೆಯಾಗಿರುವುದು ಉತ್ತರ ಪ್ರದೇಶವನ್ನು ಹೆಮ್ಮೆಯಿಂದ ಬೀಗುವಂತೆ ಮಾಡಿದೆ. 

ಬೆಂಗಳೂರಿನ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಕೇಂದ್ರದ  ಕಚೇರಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರೊಂದಿಗೆ ಆಕೆ ಭಾಗಿಯಾಗಲಿದ್ದಾರೆ.  

ಸೆಪ್ಟೆಂಬರ್ 7 ರಂದು ಬೆಳಿಗ್ಗೆ 01:55 ಕ್ಕೆ ಪಿಎಂ ನರೇಂದ್ರ ಮೋದಿಯವರೊಂದಿಗೆ ಚಂದ್ರಯಾನ ನೌಕೆ ದಕ್ಷಿಣ ದೃವದಲ್ಲಿ ಇಳಿಯುವುದನ್ನು ವೀಕ್ಷಿಸಲು ಇಬ್ಬರು ವಿದ್ಯಾರ್ಥಿಗಳನ್ನು ರಾಜ್ಯದಿಂದ ಆಯ್ಕೆ ಮಾಡಿದ್ದರೂ ಆಗಸ್ಟ್ 10 ರಿಂದ 25 ರವರೆಗೆ ನಡೆಸಿದ ಆನ್‌ಲೈನ್ ವಿಜ್ಞಾನ ರಸಪ್ರಶ್ನೆಯ ಹಲವು ಸುತ್ತುಗಳ ನಂತರ  ರಾಶಿ ವರ್ಮಾ ಎಂಬ 8 ನೇ ತರಗತಿ ವಿದ್ಯಾರ್ಥಿ ಅಂತಿಮವಾಗಿ ಆಯ್ಕೆಯಾಗಿದ್ದಾರೆ.  

ಈ ಕುರಿತು ಮಾಧ್ಯಮ ಜೊತೆ  ಮಾತನಾಡಿದ ರಾಶಿ, ಭವಿಷ್ಯದಲ್ಲಿ ನಾನು ಐಎಎಸ್ ಅಧಿಕಾರಿಯಾಗಬೇಕೆಂದು ಕನಸು ಕಂಡಿದ್ದೇನೆ ನನಗೆ ಅವಕಾಶ ಸಿಕ್ಕರೆ  ಪ್ರಧಾನಿ ನರೇಂದ್ರ ಮೋದಿಯವರೊಂದಿಗೆ ಮಾತನಾಡಲು ಬಯಸುವುದಾಗಿ ಹೇಳಿಕೊಂಡಿದ್ದಾರೆ . 

ರಾಶಿ ಅವರಲ್ಲದೆ, ಒಡಿಶಾ, ಜಾರ್ಖಂಡ್ ಮತ್ತು ಮೇಘಾಲಯದ ಮೂವರು ವಿದ್ಯಾರ್ಥಿಗಳು ಬೆಂಗಳೂರಿನ ಈ ಅಪರೂಪದ ಕಾರ್ಯಕ್ರಮಕ್ಕೆ ನೇರ ಸಾಕ್ಷಿಯಾಗಲಿದ್ದಾರೆ.