ಶ್ರೀನಗರ: ಪುಲ್ವಾಮದಲ್ಲಿ ಪಾಕಿಸ್ತಾನದ ಜೈಶ್-ಎ-ಮೊಹಮ್ಮದ್ ಉಗ್ರ ಸಂಘಟನೆಯ ಉಗ್ರ ಸಿಆರ್ ಪಿಎಫ್ ಯೋಧರನ್ನು ಗುರಿಯಾಗಿರಿಸಿಕೊಂಡು ನಡೆಸಿರುವ ದಾಳಿಗೆ ಸಂಬಂಧಿಸಿದಂತೆ  ಜಮ್ಮು-ಕಾಶ್ಮೀರ ಪೊಲೀಸರು 7 ಜನರನ್ನು ವಶಕ್ಕೆ ಪಡೆದಿದ್ದಾರೆ. 

ಆತ್ಮಾಹುತಿ ದಾಳಿ ನಡೆಸುವುದಕ್ಕೆ ಯೋಜನೆ ರೂಪಿಸಿದ್ದರೊಂದಿಗೆ ನಂಟು ಹೊಂದಿರುವ ಶಂಕೆಯಡಿ ಪುಲ್ವಾಮ ಹಾಗೂ ಅವಂತಿಪೊರದಿಂದ ಯುವಕರನ್ನು ವಶಕ್ಕೆ ಪಡೆಯಲಾಗಿದೆ. 

ಸಿಆರ್ ಪಿಎಫ್ ಯೋಧರನ್ನು ಗುರಿಯಾಗಿರಿಸಿಕೊಂಡು ನಡೆಸಿದ ದಾಳಿಯನ್ನು ಪಾಕಿಸ್ತಾನದ ವ್ಯಕ್ತಿ ಜೈಶ್-ಎ-ಮೊಹಮ್ಮದ್ ನ ಕಮ್ರಾನ್ ಎಂಬ ವ್ಯಕ್ತಿ ಯೋಜಿಸಿದ್ದಾನೆ. ಈ ವ್ಯಕ್ತಿ ಪುಲ್ವಾಮ, ಅವಂತಿಪೊರ ಹಾಗೂ ದಕ್ಷಿಣ ಕಾಶ್ಮೀರದ ತ್ರಾಲ್ ನಲ್ಲಿ ಸಂಚರಿಸುತ್ತಿರುತ್ತಾನೆ ಎಂದು ತಿಳಿದುಬಂದಿದೆ. 

ಭಯೋತ್ಪಾದಕ ಕೃತ್ಯವನ್ನು ಟ್ರಾಲ್ ನ ಮಿಡೂರಾದಲ್ಲಿ ಯೋಜಿಸಲಾಗಿತ್ತು, ಈ ದುಷ್ಕೃತ್ಯವನ್ನು ಯೋಜಿಸಿ ಸ್ಫೋಟಕಗಳನ್ನು ಸಿಗುವಂತೆ ಮಾಡಿದ್ದ ಮತ್ತೋರ್ವ ಜೆ ಇಎಂ ನ ಉಗ್ರನನ್ನು ಪೊಲೀಸರು ಹುಡುಕುತ್ತಿದ್ದಾರೆ.