ರಾಯಪುರ್: ಜವಾಹರಲಾಲ್ ನೆಹರೂ ಹಾಗೂ ನರೇಂದ್ರ ಮೋದಿ ಅವರು ಪ್ರಧಾನಿಯಾಗಲು ಯೋಗ ಒಂದು ಸಾಧನವಾಗಿತ್ತು ಎಂದು ಯೋಗ ಗುರು ಬಾಬಾ ರಾಮ್ ದೇವ್ ಅವರು ಮಂಗಳವಾರ ಹೇಳಿದ್ದಾರೆ.
ನೆಹರೂ ಮತ್ತು ಮೋದಿ ಪ್ರಧಾನಿಯಾಗಲು ಯೋಗ ಪ್ರಮುಖ ಕಾರಣ ಎಂದಿರುವ ಯೋಗ ಗುರು, ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಸಹ ಯೋಗ ಮಾಡುವುದರಲ್ಲಿ ಉತ್ಸುಕರಾಗಿದ್ದಾರೆ ಎಂದಿದ್ದಾರೆ.
ರಾಜಕಾರಣಿಗಳು ಒತ್ತಡ ಮುಕ್ತರಾಗಲು ಪ್ರಾಚೀನ ಕಾಲದ ವ್ಯಾಯಾಮಗಳನ್ನು ಅಳವಡಿಸಿಕೊಳ್ಳಬೇಕು ಎಂದು ಯೋಗ ಗುರು ಹಾಗೂ ಉದ್ಯಮಿ ಬಾಬಾ ರಾಮ್ ದೇವ್ ಅವರು ಸಲಹೆ ನೀಡಿದ್ದಾರೆ.
ಯೋಗ ಮಾಡುವವರಿಗೆ ಮಾತ್ರ ರಾಜ ಯೋಗ ದೊರೆಯುತ್ತದೆ ಎಂದು ರಾಮ್ ದೇವ್ ವರದಿಗಾರರಿಗೆ ತಿಳಿಸಿದ್ದಾರೆ.
ಜವಾಹರಲಾಲ್ ನೆಹರೂ ಅವರು ಯೋಗ ಮಾಡಲು ಆರಂಭಿಸಿದ ನಂತರವೇ ಅವರಿಗೆ ರಾಜ ಯೋಗ ಬಂದಿದ್ದು ಮತ್ತು ನಂತರ ಪ್ರಧಾನಿಯಾಗಿದ್ದರು. ಇಂದಿರಾ ಗಾಂಧಿ ಸಹ ಯೋಗ ಮಾಡುತ್ತಿದ್ದರು. ಹೀಗಾಗಿ ಅವರಿಗೂ ರಾಜ ಯೋಗ ಸಿಕ್ಕಿತ್ತು ಎಂದು ಯೋಗ ಗುರು ಹೇಳಿದ್ದಾರೆ.
ಪ್ರಧಾನಿ ಮೋದಿ ಸಹ ಯೋಗ ಮಾಡಿದ್ದರಿಂದಲೇ ಒಬ್ಬ ಚಾಹ ಮಾರುವವನ ಮಗ ಪ್ರಧಾನಿಯಾಗುವ ಯೋಗ ಬಂದಿದ್ದು ಎಂದು ರಾಮ್ ದೇವ್ ವಿವರಿಸಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos