ಲಾತೂರ್ (ಮಹಾರಾಷ್ಟ್ರ): ಹಿಂದುತ್ವ ನಂಬುವ ಜನರ ಜೊತೆಗಲ್ಲ, ಇವಿಎಂ ಜೊತೆಗೆ ಬಿಜೆಪಿ ಮಾತ್ರಿ ಮಾಡಿಕೊಳ್ಳತ್ತದೆ ಎಂದು ಶಿವಸೇನೆ ಸೋಮವಾರ ಹೇಳಿದೆ. 

ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಶಿವಸೇನೆ ವಕ್ತಾರ, ಹಿಂದುತ್ವ ನಂಬುವ ಜನರ ಪರವಲ್ಲ, ಇವಿಎಂ ಜೊತೆಗೆ ಬಿಜೆಪಿ ಮೈತ್ರಿ ಮಾಡಿಕೊಳ್ಳುತ್ತದೆ ಎಂಬುದು ಅಮಿತ್ ಶಾ ಅವರ ಹೇಳಿಕೆಯಿಂದ ಸ್ಪಷ್ಟಪಡಿಸುತ್ತಿದೆ. ಅಮಿತ್ ಶಾ ಅವರ ಪ್ರಚೋದನಾತ್ಮಕ ಹೇಳಿಕೆಯಿಂದ ಅವರ ಪಕ್ಷ ಹಾಗೂ ಅವರ ನಿಜ ಬಣ್ಣ ಬಯಲಾಗಿದೆ ಎಂದು ಹೇಳಿದ್ದಾರೆ.  

ಶಿವಸೇನೆ ಮುಖ್ಯಸ್ಥರು ಜನರ ನಂಬಿಕೆ ಹಾಗೂ ಭಾವನೆಗಳನ್ನು ಹೇಳಿದ್ದರು. ಮೊದಲು ಮಂದಿರ, ನಂತರ ಸರ್ಕಾರ ಎಂದಿದ್ದರು. ಈ ಹೇಳಿಕೆಯನ್ನು ಬಿಜೆಪಿ ಪರಿಗಣಿಸಿಲ್ಲ. ಇದೀಗ ಅವರ ನಾಲಿಗೆ ಬದಲಾಗಿದೆ. ಇದರ ಅರ್ಥ ಹಿಂದುತ್ವವನ್ನು ನಂಬಿರುವ ಜನರನ್ನು ಅವರು ನಂಬುವುದಿಲ್ಲ ಎಂಬುದಾಗಿದೆ. ಐದು ರಾಜ್ಯಗಳ ಚುನಾವಣೆ ಬಳಿಕ ಬಿಜೆಪಿ ನೆಲಕಚ್ಚುತ್ತಿದೆ. ಭಾರತದ ಜನರು ಅವರಿಗೆ ಸ್ಥಾನವನ್ನು ತೋರಿಸುತ್ತಿದ್ದಾರೆ. 40 ಸೀಟುಗಳಲ್ಲಿ ಗೆಲುವು ಸಾಧಿಸಬೇಕೆಂದು ಹೇಳುವ ಮೂಲಕ ಬಿಜೆಪಿ ಇವಿಎಂ ಜೊತೆಗೆ ಮೈತ್ರಿ ಮಾಡಿಕೊಳ್ಳುವ ಕುರಿತು ಸ್ಪಷ್ಟಪಡಿಸುತ್ತಿದೆ ಎಂದು ತಿಳಿಸಿದ್ದಾರೆ.