ಹೊಸದಾಗಿ ಮದುವೆಯಾಗಿ ಗಂಡನ ಮನೆಗೆ ಹೋಗುವ ವಧು ಕಣ್ಣೀರು ಸುರಿಸುತ್ತಾ ತಂದೆ-ತಾಯಿಯರನ್ನು ಬಿಟ್ಟು ಹೋಗುವುದು ಎಂತವರ ಕಣ್ಣಲ್ಲೂ ನೀರೂರಿಸುತ್ತದೆ. ಆದರೆ ಇಲ್ಲೊಬ್ಬ ವಧು ಈ ಎಲ್ಲಾ ಸಂಪ್ರದಾಯಗಳಿಗೆ ಸಡ್ಡು ಹೊಡೆದಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗಿದೆ.

ಬಂಗಾಲಿ ವಧು ಕೆಂಪು ಬನಾರಸ್ ಸೀರೆಯಲ್ಲಿ ಕಂಗೊಳಿಸುತ್ತಿದ್ದು ಗಂಡನ ಮನೆಗೆ ಹೋಗುವ ಮುನ್ನ ಕನಕಾಂಜಲಿ ಆಚರಣೆ ಮಾಡಬೇಕಾಗುತ್ತದೆ. ಈ ಆಚರಣೆಯಲ್ಲಿ ವಧು ತನ್ನ ತಾಯಂದಿರಿಗೆ ಅಕ್ಕಿಯನ್ನು ಎಸೆದು ಅವರ ಋಣವನ್ನು ತೀರಿಸಿದ್ದೇನೆ ಎಂದು ಹೇಳಬೇಕಾಗುತ್ತದೆ. ಆದರೆ ಈ ವಧು ನಾವು ಎಂದಿಗೂ ತಾಯಿಯ ಋಣವನ್ನು ತೀರಿಸಲಾಗದು ಎಂದು ಹೇಳಿರುವ ವಿಡಿಯೋ ಇದೀಗ ವೈರಲ್ ಆಗಿದೆ. 

ತಾಯಿಯ ಮುಖವನ್ನು ನೋಡಿ ಮುದ್ದಾಗಿ ನಗುತ್ತಾ ನಾನು ಹೋಗುತ್ತೇನೆ. ನನಗೆ ಇಷ್ಟವಾದಾಗ ನನ್ನ ತವರು ಮನೆಗೆ ಬರುತ್ತೇನೆ ಎಂದಿದ್ದು ಈ ಮಾತುಗಳು ಎಲ್ಲರನ್ನು ಮಂತ್ರ ಮುಗ್ಧಗೊಳಿಸಿದೆ.