ಹರಿದ್ವಾರ: ಬರೋಬ್ಬರಿ 7 ಪತ್ನಿಯರ ಮುದ್ದಿನ ಗಂಡ 40ನೇ ವಯಸ್ಸಿಗೆ ಆತ್ಮಹತ್ಯೆಗೆ ಶರಣಾಗಿದ್ದು ಆತನ ಮೃತದೇಹಕ್ಕಾಗಿ ಪತ್ನಿಯರು ಕಿತ್ತಾಡಿಕೊಂಡಿರುವ ಘಟನೆ ನಡೆದಿದೆ.
ಉತ್ತರಖಂಡ್ ನ ಹರಿದ್ವಾರದಲ್ಲಿ 40 ವರ್ಷದ ಪವನ್ ಕುಮಾರ್ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಈಗ ಗಂಡನ ಮೃತದೇಹಕ್ಕಾಗಿ ಐವರು ಪತ್ನಿಯರು ಆಸ್ಪತ್ರೆಯ ಹೊರಗೆ ಕಿತ್ತಾಡಿಕೊಂಡಿದ್ದಾರೆ. ಪ್ರತಿಯೊಬ್ಬರೂ ಆತ ತನ್ನ ಪತಿಯೆಂದು ವಾದ ಮಾಡುತ್ತಿದ್ದರು. ಇದನ್ನು ನೋಡಿದ ಪೊಲೀಸರು ಕಂಗಾಲಾಗಿದರು. ಕೊನೆಗೆ ಐವರು ಪತ್ನಿಯರು ಗಂಡನ ಅಂತ್ಯಕ್ರಿಯೆ ನಡೆಸಿದರು.
ತಮ್ಮ ಗಂಡ ಸತ್ತ ಸುದ್ದಿ ತಿಳಿದ ಇನ್ನಿಬ್ಬರು ಪತ್ನಿಯರು ಪೊಲೀಸ್ ಠಾಣೆಗೆ ಬಂದು ತಮಗೆ ತಿಳಿಸದೆ ತಮ್ಮ ಗಂಡನ ಅಂತ್ಯ ಸಂಸ್ಕಾರ ಮಾಡಿರುವುದು ಸರಿಯಲ್ಲ ಎಂದು ಗಲಾಟೆ ಮಾಡಿದರು. ಈ ಘಟನೆಯಿಂದ ವಿಚಲಿತರಾದ ಪೊಲೀಸರು ಇನ್ನು ಕೆಲ ದಿನ ಕಾದು ಬಿಟ್ಟು ಪ್ರಕರಣ ಇತ್ಯರ್ಥ ಮಾಡಲು ನಿರ್ಧರಿಸಿದ್ದಾರೆ.
ಪವನ್ ಕುಮಾರ್ ಹಣಕಾಸು ತೊಂದರೆ ಅನುಭವಿಸುತ್ತಿದ್ದು ತನ್ನ ರೂಂನಲ್ಲಿ ವಿಷ ಕುಡಿದು ಆತ್ಮಹತ್ಯೆಗೆ ಶರಣಾಗಿದ್ದರು.