ನವದೆಹಲಿ: ಯುವಕನೊರ್ವ ಝೂನಲ್ಲಿದ್ದ ಕೇಸರಿ ಸಿಂಹವಿದ್ದ ಆವರಣಕ್ಕೆ ಅತಿಕ್ರಮ ಪ್ರವೇಶ ಮಾಡಿದ್ದು ಅಲ್ಲದೆ ಸಿಂಹದ ಮುಂದೆ ಕುಳಿತು ಪೋಸ್ ಕೊಟ್ಟಿರುವ ವಿಡಿಯೋ ಭಯಾನಕವಾಗಿದೆ. 

ಇಂದು ಬೆಳಗ್ಗೆ 12.30ರ ಸುಮಾರಿಗೆ ದೆಹಲಿಯ ನ್ಯಾಷನಲ್ ಝೂಅಲಾಜಿಕಲ್ ಪಾರ್ಕ್ಗೆ ಬಂದಿದ್ದ ಯುವಕನೋರ್ವ ಸಿಂಹಗಳಿಂದ ಆವರಣಕ್ಕೆ ಅತಿಕ್ರಮ ಪ್ರವೇಶ ಮಾಡಿದ್ದಾನೆ. ನಂತರ ಕೆಳಗೆ ಬಿದ್ದಿದ್ದ ಮರದ ದಿಮ್ಮಿ ಮೇಲೆ ಕುಳಿತುಕೊಂಡಿದ್ದಾನೆ. ಈ ವೇಳೆ ಅಲ್ಲಿಗೆ ಬಂದ ಕೇಸರ ಸಿಂಹ ಯುವಕನನ್ನು ಮುಸಿ ನೋಡಿದೆ. ಕೆಲ ಸೆಕೆಂಡ್ ಗಳ ಕಾಲ ಸುಮ್ಮನಿದ್ದ ಸಿಂಹ ಏಕಾಏಕಿ ಆತನ ಮೇಲೆ ದಾಳಿಗೆ ಮುಂದಾಗುತ್ತದೆ. ಅಷ್ಟಕ್ಕೆ ವಿಡಿಯೋ ಕಟ್ ಆಗಿದೆ.

ಮೃಗಾಲಯಕ್ಕೆ ತೆರಳಿದ್ದ ಪ್ರವಾಸಿಗರೊಬ್ಬರು ತಮ್ಮ ಮೊಬೈಲ್ ನಲ್ಲಿ ದೃಶ್ಯಗಳನ್ನು ಸೆರೆ ಹಿಡಿದು ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿದ್ದಾರೆ. 56 ನಿಮಿಷಗಳ ಈ ವಿಡಿಯೋ ಇದೀಗ ವೈರಲ್ ಆಗಿದೆ. 

ಇನ್ನು ಝೂ ಸಿಬ್ಬಂದಿಗಳ ಮಾಹಿತಿ ಪ್ರಕಾರ. ಯುವಕ ರೆಹಾನ್ ಖಾನ್ ಪ್ರಾಣಾಪಾಯದಿಂದ ತಪ್ಪಿಸಿಕೊಂಡಿದ್ದಾನೆ ಎಂದು ತಿಳಿಸಿದ್ದಾರೆ. ಯುವಕ ಮಾನಸಿಕ ಅಸ್ವಸ್ಥ ಎಂಬಂತೆ ವರ್ತಿಸಿದ್ದಾನೆ ಎಂದು ಸಿಬ್ಬಂದಿಗಳು ತಿಳಿಸಿದ್ದಾರೆ.