ನವದೆಹಲಿ: ರಾಜ್ಯ ಸಭೆಯ ನೀತಿ ಸಮಿತಿ ಅಧ್ಯಯಕ್ಷರಾಗಿ ಬಿಜೆಪಿ ಸಂಸದ ಶಿವ ಪ್ರತಾಪ್ ಶುಕ್ಲಾ ಅವರನ್ನು ನೇಮಕ ಮಾಡಲಾಗಿದೆ. ರಾಜ್ಯ ಸಭಾ ಪ್ರಧಾನ ಕಾರ್ಯದರ್ಶಿ ದೇಶ್ ದೀಪಕ್ ವರ್ಮಾ ತಿಳಿಸಿದ್ದಾರೆ.
ಗುರುವಾರ ಬಿಡುಗಡೆ ಮಾಡಿರುವ ಸಂಸದೀಯ ಬುಲೆಟಿನ್ ನಲ್ಲಿ ಈ ವಿಷಯ ತಿಳಿಸಿದ್ದಾರೆ. ಶುಕ್ಲಾ ಅವರನ್ನು ಬಿಟ್ಟು ಇತ್ತೀಚೆಗೆ ರಾಷ್ಟ್ರಪತಿ ವೆಂಕಯ್ಯ ನಾಯ್ಡು ನೀತಿ ಸಮಿತಿಗೆ ಮೂವರನ್ನು ನೇಮಿಸಿದ್ದರು. ಡಿಎಂಕೆಯ ತಿರುಚ್ಚಿ ಶಿವ, ಟಿಆರ್ ಎಸ್ ನ ಡಾ.ಕೇಶವ ರಾವ್, ಮತ್ತು ವೈಆರ್ ಎಲ್ ಕಾಂಗ್ರೆಸ್ ವಿ ವಿಜಯ ರೆಡ್ಡಿ ಅವರನ್ನು ನೇಮಿಸಿದ್ದರು.
ಶುಕ್ಲಾ ಅವರ ನೇಮಕದಿಂದ ರಾಜ್ಯಸಭೆ ನೀತಿ ಸಮಿತಿ ಸದಸ್ಯರ ಸಂಖ್ಯೆ 11 ಕ್ಕೇರಿದೆ, ಸಂಸದ ಆನಂದ್ ಶರ್ಮಾ, ರಾಮ್ ಗೋಪಾಲ್ ಯಾದವ್,ಎಂ ನವನೀತ್ ಕೃಷ್ಣನ್, ಡೆರೆಕ್ ಓ ಬ್ರೆನ್, ರಾಮ್ ಚಂದ್ರ, ಪ್ರಸನ್ನ ಆಚಾರ್ಯ ಮತ್ತು ಬಿಜು ಅವರನ್ನು ನೇಮಿಸಲಾಗಿದೆ.
ಸಂಸದರ ವರ್ತನೆ ಮತ್ತು ಚಟುವಟಿಕೆಗಳ ವಿರುದ್ಧದ ದೂರುಗಳನ್ನು ಪರಿಶೀಲಿಸುವ ಜವಾಬ್ದಾರಿಯನ್ನು ನೈತಿಕ ಸಮಿತಿಯು ಹೊಂದಿದೆ. ಜುಲೈ 21 ರಂದು ರಾಜ್ಯಸಭೆಯಲ್ಲಿ ಬಿಜೆಪಿ ಪಕ್ಷದ ಮುಖ್ಯ ಸಚೇತಕರಾಗಿ ಶುಕ್ಲಾ ಅವರನ್ನು ನೇಮಿಸಿತ್ತು.