ಭೋಪಾಲ್​: ಮಧ್ಯ ಪ್ರದೇಶದಲ್ಲಿ ಕಲ್ಲಿದ್ದಲು ಸಾಗಿಸುತ್ತಿದ್ದ ಗೂಡ್ಸ್​​ ರೈಲುಗಳು ಮುಖಾಮುಖಿ ಡಿಕ್ಕಿ ಹೊಡೆದಿದ್ದು, ರೈಲಿನ ಲೋಕೋ ಪೈಲಟ್ ಗಳು ಸಿಲುಕಿಕೊಂಡಿದ್ದಾರೆ.

ಮಧ್ಯಪ್ರದೇಶದಲ್ಲಿ ಎರಡು ಗೂಡ್ಸ್​ ರೈಲುಗಳು ಮುಖಾಮುಖಿ ಡಿಕ್ಕಿಯಾಗಿದ್ದು, ಕನಿಷ್ಠ ಇಬ್ಬರು ರೈಲುಗಳು ಮಧ್ಯೆ ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ. ಇಂದು ಬೆಳಗ್ಗೆ ಕಲ್ಲಿದ್ದಲು ಹೊತ್ತೊಯ್ಯುತ್ತಿದ್ದ ಎನ್​ಟಿಪಿಸಿ(National Thermal Power Corporation) ರೈಲುಗಳು ಸಿಂಗ್ರಾವ್ಲೀ ಬಳಿ ಪರಸ್ಪರ ಡಿಕ್ಕಿ ಹಡೆದಿವೆ. 

ಪರಿಣಾಮ ರೈಲಿನ ಬೋಗಿಗಳು ಟ್ರ್ಯಾಕ್​ನಿಂದ ಪಕ್ಕಕ್ಕೆ ಉರುಳಿಬಿದ್ದಿವೆ. ಲೋಕೋ ಪೈಲಟ್​ ಹಾಗೂ ಸಹಾಯಕ ಲೋಕೋ ಪೈಲಟ್​ ರೈಲುಗಳ ಮಧ್ಯೆ ಸಿಲುಕಿರುವ ಶಂಕೆಯಿದೆ. ಸ್ಥಳಕ್ಕೆ ಪೊಲೀಸರು ಹಾಗೂ ಎನ್​ಟಿಪಿಸಿ ಅಧಿಕಾರಿಗಳು ದೌಡಾಯಿಸಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ.