ನವದೆಹಲಿ: ಗಡಿಯಲ್ಲಿ ಕದನ ವಿರಾಮ ಮೂಲಕ ತೊಂದರೆ ಕೊಡುತ್ತಿದ್ದ ಪಾಕಿಸ್ತಾನ ಸೇನೆ ಇದೀಗ ಪಾಕಿಸ್ತಾನದಲ್ಲಿನ ಕೊರೋನಾ ಸೋಂಕಿತರನ್ನು ಪಾಕ್ ಆಕ್ರಮಿತ ಕಾಶ್ಮೀರ ಹಾಗೂ ಗಿಲ್ಗಿಟ್, ಬಾಲ್ಟಿಸ್ತಾನಕ್ಕೆ ತಂದು ಬಿಡುತ್ತಿದ್ದಾರೆ.
ಇದರಿಂದ ಆಘಾತಗೊಂಡಿರುವ ಸ್ಥಳೀಯರು ಸೋಂಕು ಹರಡುವ ಭೀತಿ ಎದುರಿಸುತ್ತಿದ್ದಾರೆ. ಸದ್ಯ ಪಿಒಕೆ ಹಾಗೂ ಗಿಲ್ಗಿಟ್ ಎರಡೂ ಪ್ರಾಂತ್ಯಗಳು ಪಾಕಿಸ್ತಾನ ವಶದಲ್ಲಿವೆ.
ಪಿಒಕೆ ಹಾಗೂ ಗಿಲ್ಗಿಟ್ ಪ್ರಾಂತ್ಯಗಳು ಭಾರತ-ಪಾಕ್ ಗಡಿಯಲ್ಲಿ ಬರುತ್ತವೆ. ಪಾಕಿಸ್ತಾನದ ಪ್ರಮುಖ ನಗರಗಳು ಹಾಗೂ ಸೇನಾ ನೆಲೆಗಳು ಇರುವ ಕಡೆ ಕೊರೋನಾ ವೈರಸ್ ಸೋಂಕಿತರು ಪತ್ತೆಯಾದರೆ ಅವರನ್ನು ಗಡಿಪಾರು ಮಾಡುವ ರೀತಿಯಲ್ಲಿ ಗಡಿ ಭಾಗಕ್ಕೆ ತಂದು ಬಿಡುತ್ತಿದ್ದಾರೆ.
ಮುಚ್ಚಿದ ಪಾಕಿಸ್ತಾನದ ಸೇನಾ ವಾಹನಗಳಲ್ಲಿ ಸೋಂಕಿತರನ್ನು ತುಂಬಿಸಿಕೊಂಡು ಬರುತ್ತಿದ್ದಾರೆ ಎಂದು ಸ್ಥಳೀಯರು ಆರೋಪಿಸಿದ್ದು ಸಹಾಯಹಸ್ತ ಚಾಚುವಂತೆ ಭಾರತದತ್ತ ಮೊರೆಯಿಡುತ್ತಿದ್ದಾರೆ.