ಲಖನೌ: ಸೊಸೆಯ ಮೇಲೆ ಮಾವನೇ ಅತ್ಯಾಚಾರವೆಸಗಿದ್ದು, ಪ್ರಶ್ನಿಸಲು ಬಂದ ಮಗನನ್ನೇ ಹತ್ಯೆ ಮಾಡಿರುವ ಘಟನೆ ಉತ್ತರ ಪ್ರದೇಶದ ಮೊರಾದಾಬಾದ್ ನಲ್ಲಿ ನಡೆದಿದೆ. 

ಪರವಾನಗಿ ಇರುವ ರಿವಾಲ್ವರ್ ನಿಂದ ಮಗನನ್ನು ತಂಡೆ ಹತ್ಯೆ ಮಾಡಿದ್ದಾನೆ. ಮಜೋಲಾದ ಹನುಮಾನ್ ನಗರದಲ್ಲಿ ಆರೋಪಿ ವಾಸಿಸುತ್ತಿದ್ದು, ಹತ್ಯೆ, ಅತ್ಯಾಚಾರದ ಆರೋಪದಲ್ಲಿ 56 ವರ್ಷದ ವ್ಯಕ್ತಿಯ ವಿರುದ್ಧ ಪ್ರಕರಣ ದಾಖಲಾಗಿದೆ. 

ಸಾವನ್ನಪ್ಪಿದ ವ್ಯಕ್ತಿಗೆ ವರ್ಷದ ಹಿಂದೆಯಷ್ಟೇ ವಿವಾಹವಾಗಿತ್ತು. ಮಾವ ತನ್ನ ಸೊಸೆಯ ಮೇಲೆ ಅತ್ಯಾಚಾರವೆಸಗುವ ದಿನ ಕುಟುಂಬದ ಉಳಿದ ಸದಸ್ಯರು ವಿವಾಹ ಕಾರ್ಯಕ್ರಮಕ್ಕೆಂದು ತೆರಳಿದ್ದರು. ಈ ವೇಳೆ ನಡೆದ ಘಟನೆಯನ್ನು ಮಹಿಳೆ ತನ್ನ ಗಂಡನಿಗೆ ತಿಳಿಸಿದ್ದಾರೆ.  ಈ ಹೇಯ ಕೃತ್ಯವನ್ನು ಪ್ರಶ್ನಿಸಲು ಬಂದ ಮಗ ಪೊಲೀಸ್ ಗೆ ದೂರು ನೀಡುವುದಾಗಿ ಎಚ್ಚರಿಸಿದ್ದಾನೆ, ಈ ವೇಳೆ ವಾಗ್ವಾದ ನಡೆದಿದ್ದು, ಸಹೋದರನೂ ಸಹ ತಂದೆಗೇ ಬೆಂಬಲವಾಗಿ ಮಾತನಾಡಿದ್ದಾನೆ. ಆರೋಪಿಯ ವಿರುದ್ಧ ಪ್ರಕರಣ ದಾಖಲಾಗಿದೆ.