ನವದೆಹಲಿ: ಭಾರತದ ಅತಿ ಉನ್ನತ ವೈಜ್ಞಾನಿಕ ಮತ್ತು ಶೈಕ್ಷಣಿಕ ಸಂಸ್ಥೆಗಳಾದ ಐಐಟಿ, ಎನ್ ಐಟಿಯಂತಹ ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿಗಳಲ್ಲಿ ಮಹಿಳೆಯರ ಪ್ರಾತಿನಿಧ್ಯ ಕಡಿಮೆಯಾಗಿದ್ದು ಇಲ್ಲಿ ಲಿಂಗಾನುಪಾತದಲ್ಲಿ ಭಾರೀ ಅಂತರ ಕಂಡುಬರುತ್ತಿದೆ ಎಂದು ವರದಿಯಿಂದ ತಿಳಿದುಬಂದಿದೆ.
ಅಧ್ಯಯನದಿಂದ ಸಿಕ್ಕಿರುವ ಮಾಹಿತಿ ಪ್ರಕಾರ, ಐಐಟಿಗಳಲ್ಲಿ ಮಹಿಳಾ ಸಿಬ್ಬಂದಿ ಪ್ರಮಾಣ ಕೇವಲ ಶೇಕಡಾ 11.24ರಷ್ಟಿದೆ. ಬಯೊ ಇನ್ಫಾರ್ಮೆಟಿಕ್ ಮತ್ತು ಬಯೊಟೆಕ್ನಾಲಜಿ, ಸಾವಿತ್ರಿಬಾಯಿ ಫುಲೆ ವಿಶ್ವವಿದ್ಯಾಲಯಗಳು ನಡೆಸಿರುವ ಅಧ್ಯಯನ ಪ್ರಕಾರ, ಹಲವು ವೈಜ್ಞಾನಿಕ ಸಂಬಂಧಿತ ಪ್ರಮುಖ ಶಿಕ್ಷಣ ಸಂಸ್ಥೆಗಳು ಮತ್ತು ವಿಶ್ವವಿದ್ಯಾಲಯಗಳಲ್ಲಿ ನೇಮಕಾತಿ ವಿಧಾನಗಳಲ್ಲಿ ಮಹಿಳೆಯರು ಮತ್ತು ಪುರುಷರ ಮಧ್ಯೆ ವ್ಯತ್ಯಾಸವಿದೆ.
ಶಿಕ್ಷಣ ಸಂಸ್ಥೆ ಸ್ಥಾಪನೆಯ ವರ್ಷ, ಶ್ರೇಷ್ಠತೆ ಮತ್ತು ಭೌಗೋಳಿಕ ವಿತರಣೆಯ ಹೊರತಾಗಿಯೂ, ಭಾರತದ ಎಲ್ಲಾ ಸಂಶೋಧನೆ ಮತ್ತು ಬೋಧನಾ ಸಂಸ್ಥೆಗಳು ಮಹಿಳಾ ಬೋಧಕವರ್ಗ / ಸಂಶೋಧಕರನ್ನು ನೇಮಿಸಿಕೊಳ್ಳುವಲ್ಲಿ ಇದೇ ಮಾದರಿಯನ್ನು ತೋರಿಸುತ್ತವೆ, ಒಟ್ಟು ಸಿಬ್ಬಂದಿ ಸಂಖ್ಯೆಯ ಕೇವಲ 10ರಿಂದ 20 ಶೇಕಡಾದಷ್ಟು ಮಾತ್ರ ವಿನಾಯಿತಿಯಿದೆ ಎಂದು ಟುಲಿ ದೆಯ ಸಂಶೋಧಕಿ ಅಕಾಂಕ್ಷ ಸ್ವರೂಪ್ ಹೇಳುತ್ತಾರೆ.
1951 ಮತ್ತು 2001 ರ ನಡುವೆ ಸ್ಥಾಪಿಸಲಾದ ಏಳು ಐಐಟಿಗಳ ಮೊದಲ ಗುಂಪು ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗಗಳಲ್ಲಿ ಸರಾಸರಿ 10.74% ಮಹಿಳಾ ಅಧ್ಯಾಪಕರನ್ನು ನೇಮಿಸಲಾಗಿದೆ. ನಂತರ ಎರಡನೇ ಸೆಟ್‌ನಲ್ಲಿ 11.6% (2008-09; ಎಂಟು ಐಐಟಿಗಳು) ಮತ್ತು ಮೂರನೇ ಸೆಟ್‌ನಲ್ಲಿ 11.33% (ಮೂರನೇ ಸೆಟ್‌ನಲ್ಲಿ) 2012-16; ಎಂಟು ಐಐಟಿಗಳು). “ಅರ್ಹ ಮಹಿಳಾ ಅಭ್ಯರ್ಥಿಗಳ ಕೊರತೆಯು 1951 ರಿಂದ 2018 ರವರೆಗೆ (ಐಐಟಿಗಳಲ್ಲಿ) ಒಂದೇ ರೀತಿಯಿದೆ ಎಂದು ತೋರಿಸಿದೆ.
ಬೆಂಗಳೂರಿನ ಐಐಎಸ್ಸಿ ಸಂಸ್ಥೆಯಲ್ಲಿ ಅಧಿಕ ಪುರುಷ ಸಿಬ್ಬಂದಿಯಿದ್ದು, ಶೇಕಡಾ 8.6ರಷ್ಟು ಮಾತ್ರ ಮಹಿಳಾ ಸಿಬ್ಬಂದಿಯಿದ್ದಾರೆ. ಅಮೃತ ವಿಶ್ವ ವಿದ್ಯಾಪೀಠದಲ್ಲಿ ಶೇಕಡಾ 45.8, ಸಾವಿತ್ರಿ ಬಾಯಿ ಫುಲೆ ವಿಶ್ವವಿದ್ಯಾಲಯದಲ್ಲಿ ಶೇಕಡಾ 40.53ರಷ್ಟು ಮಹಿಳಾ ಸಿಬ್ಬಂದಿಯಿದ್ದಾರೆ ಎಂದು ಅಧ್ಯಯನದಿಂದ ತಿಳಿದುಬಂದಿದೆ.