ದೇಶ

ರಾಜ್ಯಗಳಲ್ಲಿ ಇನ್ನೂ 2.14 ಕೋಟಿ ಪ್ರಮಾಣದ ಕೋವಿಡ್ ಲಸಿಕೆ ಲಭ್ಯ: ಆರೋಗ್ಯ ಸಚಿವಾಲಯ

Srinivas Rao BV

ನವದೆಹಲಿ: ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಇನ್ನೂ 2,14,90,297 ಪ್ರಮಾಣದಷ್ಟು ಕೋವಿಡ್ 19 ಲಸಿಕೆ ಲಭ್ಯವಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಮಂಗಳವಾರ ತಿಳಿಸಿದ್ದು, ಮುಂದಿನ ಮೂರು ದಿನಗಳಲ್ಲಿ 33,80,590 ಹೆಚ್ಚಿನವುಗಳನ್ನು ಅವರು ಸ್ವೀಕರಿಸಲಿವೆ ಎಂದು ಹೇಳಿದೆ.

ಈವರೆಗೆ ಕೇಂದ್ರವು ರಾಜ್ಯಗಳಿಗೆ 29,35,04,820 ಪ್ರಮಾಣದಷ್ಟು ಲಸಿಕೆ ಪೂರೈಸಿದೆ. ಮಂಗಳವಾರ ಲಭ್ಯವಿರುವ ಮಾಹಿತಿಯ ಪ್ರಕಾರ, ತ್ಯಾಜ್ಯಗಳು ಸೇರಿದಂತೆ ಒಟ್ಟು 27,20,14,523 ಪ್ರಮಾಣದಷ್ಟು ಬಳಕೆಯಾಗಿದೆ. ಇನ್ನು, ದೇಶದಲ್ಲಿ ಕಳೆದ ಒಂದು ದಿನದಲ್ಲಿ ಕೊರೋನಾ ಸೋಂಕಿನ 42,640 ಹೊಸ ಪ್ರಕರಣ ದಾಖಲಾಗಿದ್ದು,1,167 ಮಂದಿ ಮೃತಪಟ್ಟಿದ್ದಾರೆ.

ಸಕ್ರಿಯ ಪ್ರಕರಣಗಳು 40,366 ರಷ್ಟು ಇಳಿಕೆಯಾಗಿ 6,62,521 ಕ್ಕೆ ತಲುಪಿದೆ. ಕಳೆದ 24 ಗಂಟೆಗಳಲ್ಲಿ 81,839 ಜನರು ಮಾರಣಾಂತಿಕ ವೈರಸ್‌ನಿಂದ ಚೇತರಿಸಿಕೊಂಡಿದ್ದು, ಗುಣಮುಖರಾದವರ ಒಟ್ಟು ಸಂಖ್ಯೆ 2,89,26,038 ಕ್ಕೆ ತಲುಪಿದೆ. ಸಾವಿನ ಪ್ರಮಾಣ ಶೇಕಡಾ 1.30 ರಷ್ಟಿದೆ.

ಏತನ್ಮಧ್ಯೆ, ಕೊರೋನಾ ಸೋಂಕು ಪತ್ತೆಗಾಗಿ ಈವರೆಗೆ ಒಟ್ಟು 39,40,72,142 ಲಕ್ಷ ಮಾದರಿಗಳನ್ನು ಪರೀಕ್ಷಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಐಸಿಎಂಆರ್ ತಿಳಿಸಿದೆ. ಈ ಪೈಕಿ 16,64,360 ಪರೀಕ್ಷೆಗಳನ್ನು ಸೋಮವಾರ ಪರೀಕ್ಷಿಸಲಾಗಿದೆ. ಭಾರತವು ಕಳೆದ ಒಂದು ದಿನದಲ್ಲಿ 86,16,373 ಲಸಿಕೆ ಪ್ರಮಾಣವನ್ನು ನೀಡಿದ್ದು, ವಿಶ್ವದಲ್ಲೇ ಒಂದೇ ದಿನ ಈ ಪ್ರಮಾಣದ ಲಸಿಕೆ ನೀಡಿದ ದೇಶವೆನಿಸಿದ್ದು, ಒಟ್ಟು ವ್ಯಾಕ್ಸಿನೇಷನ್ ಸಂಖ್ಯೆ 28,87,66,201 ಕ್ಕೆ ಏರಿಕೆಯಾಗಿದೆ.

SCROLL FOR NEXT