ಮುಂಬೈ: ಅಕ್ರಮ ಹಣ ವರ್ಗಾವಣೆ ಪ್ರಕರಣ ಸಂಬಂಧ ಅಕ್ಟೋಬರ್‌ 4ರಂದು ವಿಚಾರಣೆಗೆ ಹಾಜರಾಗುವಂತೆ ಶಿವಸೇನೆ ಸಂಸದೆ ಭಾವನಾ ಗವಳಿ ಅವರಿಗೆ ಜಾರಿ ನಿರ್ದೇಶನಾಲಯವು (ಇ.ಡಿ)ನೋಟಿಸ್‌ ಜಾರಿಮಾಡಿದೆ 

ಅಕ್ಟೋಬರ್‌ 4ರಂದು ದಕ್ಷಿಣ ಮುಂಬೈನ ಇ.ಡಿ ಕಚೇರಿಯಲ್ಲಿ ಪ್ರಕರಣದ ತನಿಖಾಧಿಕಾರಿಯ ಮುಂದೆ ಹಾಜರಾಗುವಂತೆ ಸಮನ್ಸ್ ನಲ್ಲಿ ತಿಳಿಸಲಾಗಿದೆ. ಹಣ ವರ್ಗಾವಣೆ ತಡೆ ಕಾಯ್ದೆ (ಪಿಎಂಎಲ್‌ಎ) ಅಡಿಯಲ್ಲಿ ದಾಖಲಾಗಿರುವ ಪ್ರಕರಣ ಸಂಬಂಧ ಇ.ಡಿ ಮಂಗಳವಾರ ಭಾವನಾ ಗವಳಿ ಅವರ ಆಪ್ತ ಸಯೀದ್‌ ಖಾನ್‌ ಅವರನ್ನು ಬಂಧಿಸಿದೆ.

ಸುಮಾರು 18 ಕೋಟಿ ರು ಹಣವನ್ನು ತಮ್ಮ ಆಪ್ತ ಸಯೀದ್ ಖಾನ್ ಮೂಲಕ ವಂಚಿಸಲು ಭಾವನಾ ಗವಳಿ ಪಿತೂರಿ ನಡೆಸಿದ್ದರು ಎಂದು ಇಡಿ ತಿಳಿಸಿದೆ.