ಮುಂಬೈ: ರೆಸ್ಟೋರೆಂಟ್ ಒಂದರಲ್ಲಿ ಚಿಕನ್ ಆಹಾರದಲ್ಲಿ ಸತ್ತ ಇಲಿ ಪತ್ತೆಯಾಗಿದ್ದು, ಈ ಘಟನೆ ಸಂಬಂಧ ಮೂವರನ್ನು ಬಂಧಿಸಲಾಗಿದೆ.

ವ್ಯಕ್ತಿಯೋರ್ವರು ಈ ಬಗ್ಗೆ ದೂರು ನೀಡಿದ್ದು, ಪೊಲೀಸರು ಈಟರಿಯ ವ್ಯವಸ್ಥಾಪಕ ಹಾಗೂ ಇಬ್ಬರು ಅಡುಗೆಯವರನ್ನು ಬಂಧಿಸಲಾಗಿದೆ. ಬಾಂದ್ರಾದಲ್ಲಿರುವ ಉಪಕನರದಲ್ಲಿನ ರೆಸ್ಟೋರೆಂಟ್ ಗೆ ಗ್ರಾಹಕ ಭೇಟಿ ನೀಡಿದ್ದಾಗ ಆರ್ಡರ್ ಮಾಡಿದ ಚಿಕನ್ ಆಹಾರದಲ್ಲಿ ಸತ್ತ ಇಲಿ ಪತ್ತೆಯಾಗಿತ್ತು. ಗ್ರಾಹಕರಿಗೆ ಆರಂಭದಲ್ಲಿ ಇದು ತಿಳಿದಿರಲಿಲ್ಲ, ಅದೂ ಸಹ ಚಿಕನ್ ನ ಭಾಗ ಎಂದೇ ಭಾವಿಸಿ ಸೇವಿಸಿದರು.

ಆದರೆ ಮಾಂಸದ ಬಗ್ಗೆ ಆ ನಂತರ ಅನುಮಾನ ಮೂಡಿ ಪರಿಶೀಲಿಸಿದಾಗ ಅದು ಇಲಿ ಮರಿ ಎಂದು ತಿಳಿಯಿತು. ಈ ಬಗ್ಗೆ ರೆಸ್ಟೋರೆಂಟ್ ಸಿಬ್ಬಂದಿಗೆ ದೂರು ನೀಡಿದಾಗ ಅವರು ಗ್ರಾಹಕನಲ್ಲಿ ಕ್ಷಮೆ ಕೋರಿದ್ದಾರೆ. ಆದರೆ ಈ ಬಳಿಕ ಗ್ರಾಹಕನಿಗೆ ಅನಾರೋಗ್ಯ ಉಂಟಾಗಿದ್ದು ವೈದ್ಯರ ಬಳಿ ತೆರಳಿದ್ದಾರೆ. ಗ್ರಾಹಕನ ದೂರಿನ ಆಧಾರದಲ್ಲಿ ಸೆಕ್ಷನ್ 272 (ಕಲಬೆರಕೆ ಆಹಾರ) ಸೆಕ್ಷನ್ 336 (ಇತರರ ಜೀವನ ಅಥವಾ ವೈಯಕ್ತಿಕ ಸುರಕ್ಷತೆಗೆ ಅಪಾಯವನ್ನುಂಟುಮಾಡುವುದು) ಆರೋಪದಡಿ ಪ್ರಕರಣ ದಾಖಲಿಸಲಾಗಿದೆ.