ನವದೆಹಲಿ: ಚಂದ್ರನ ಮೇಲ್ಮೈನಲ್ಲಿ ಲ್ಯಾಂಡಿಂಗ್ ಪ್ರಕ್ರಿಯೆಗೂ ಮುನ್ನ ರಷ್ಯಾದ ಲುನಾ-25 ಪ್ರೋಬ್ ಗೆ ತುರ್ತಾಗಿ ಬಗೆಹರಿಸಬೇಕಾದ ಸಮಸ್ಯೆ ಎದುರಾಗಿದೆ. 

ರಷ್ಯಾ ಸ್ಪೇಸ್ ಏಜೆನ್ಸಿ  ರೋಸ್ಕೊಸ್ಮೊಸ್ ಈ ಬಗ್ಗೆ ಮಾಹಿತಿ ನೀಡಿದೆ.  "ತನಿಖೆಯನ್ನು ಪೂರ್ವ-ಲ್ಯಾಂಡಿಂಗ್ ಕಕ್ಷೆಗೆ ವರ್ಗಾಯಿಸಲು ಥ್ರಸ್ಟ್ ಅನ್ನು ಬಿಡುಗಡೆ ಮಾಡಲಾಗಿದೆ" ಎಂದು ರೋಸ್ಕೋಸ್ಮಾಸ್ ಹೇಳಿಕೆಯಲ್ಲಿ ತಿಳಿಸಿದೆ.

ಪ್ರಕ್ರಿಯೆ ವೇಳೆ, ಆನ್ ಬೋರ್ಡ್ ನಲ್ಲಿ ತುರ್ತು ಸ್ಥಿತಿ ಎದುರಾಗಿದ್ದು, ನಿಗದಿತ ಪರಿಸ್ಥಿತಿಗಳಲ್ಲಿ ಲ್ಯಾಂಡಿಂಗ್ ಪ್ರಕ್ರಿಯೆಯನ್ನು ನಡೆಸಲು ಅಡ್ಡಿಯಾಗಿದೆ ಎಂದು ರೋಸ್ಕೋಸ್ಮಾಸ್ ತಿಳಿಸಿದೆ. 

ಚಂದ್ರಯಾನ-3: ಇಂದು ಚಂದ್ರನ ಕಕ್ಷೆಗೆ ಬಾಹ್ಯಾಕಾಶ ನೌಕೆ ಪ್ರವೇಶ

50 ವರ್ಷಗಳಲ್ಲೇ ಇದು ರಷ್ಯಾದಿಂದ ಕೈಗೊಳ್ಳಲಾಗುತ್ತಿರುವ ಮೊದಲ ಇಂತಹ ಮೊದಲ ಮಿಷನ್ ಆಗಿದ್ದು, ಬುಧವಾರದಂದು ಚಂದ್ರನ ಕಕ್ಷೆಗೆ ಯಶಸ್ವಿಯಾಗಿ ಸೇರಿತ್ತು. 

ಈಗ ಎದುರಾಗಿರುವ ಸಮಸ್ಯೆಯಿಂದಾಗಿ ಲುನಾ-25 ಪ್ರೋಬ್  ಲ್ಯಾಂಡಿಂಗ್ ನಲ್ಲಿ ವಿಳಂಬವಾಗಲಿದೆಯೇ? ಎಂಬುದನ್ನು ರಷ್ಯಾ ಈ ವರೆಗೂ ಸ್ಪಷ್ಟಪಡಿಸಿಲ್ಲ. ಎಲ್ಲವೂ ಅಂದುಕೊಂಡಂತೆ ನಡೆದಿದ್ದರೆ ಸೋಮವಾರದಂದು ಲುನಾ-25 ಪ್ರೋಬ್ ಚಂದ್ರದ ದಕ್ಷಿಣ ದ್ರುವದಲ್ಲಿ ಲ್ಯಾಂಡ್ ಆಗಬೇಕಿತ್ತು.