ಬೆಂಗಳೂರು: ಇಂಧನ, ಪರಿಸರ ಮತ್ತು ನೀರು ಮಂಡಳಿ ( CEEW) ಮೊನ್ನೆ ಗುರುವಾರ ಬಿಡುಗಡೆ ಮಾಡಿದ ವರದಿಯ ಪ್ರಕಾರ, ಆರಂಭಿಕ ಎಚ್ಚರಿಕೆ ವ್ಯವಸ್ಥೆಗಳ ಲಭ್ಯತೆ, ಪ್ರವೇಶ ಮತ್ತು ಪರಿಣಾಮಕಾರಿತ್ವದಿಂದಾಗಿ ಭಾರತದ 14 ರಾಜ್ಯಗಳು ಪ್ರವಾಹವನ್ನು(flood) ಎದುರಿಸುವ ಶಕ್ತಿಯನ್ನು ಹೊಂದಿವೆ. 

ಅಸ್ಸಾಂ, ಒಡಿಶಾ, ಸಿಕ್ಕಿಂ, ಉತ್ತರ ಪ್ರದೇಶ, ಉತ್ತರಾಖಂಡ, ಜಾರ್ಖಂಡ್ ಮತ್ತು ಕೇರಳ ರಾಜ್ಯಗಳು ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿವೆ. ತಂತ್ರಜ್ಞಾನದೊಂದಿಗೆ ಭಾರತದ ವಿಪತ್ತು ಸಿದ್ಧತೆಯನ್ನು ಬಲಪಡಿಸುವುದು: ಪರಿಣಾಮಕಾರಿ ಮುಂಚಿನ ಎಚ್ಚರಿಕೆ ವ್ಯವಸ್ಥೆಗಳಿಗಾಗಿ'-‘Strengthening India’s Disaster Preparedness with Technology: A Case for Effective Early Warning Systems’, ಎಂಬ ಶೀರ್ಷಿಕೆಯ ವರದಿಯು, ದೇಶವು ಇತ್ತೀಚೆಗೆ ಪ್ರವಾಹಗಳು ಮತ್ತು ಚಂಡಮಾರುತಗಳಂತಹ ಹವಾಮಾನ ವೈಪರೀತ್ಯಗಳನ್ನು ಅನುಭವಿಸುತ್ತಿರುವುದರಿಂದ ವಿಪರೀತ ಹವಾಮಾನದಿಂದ ಉಂಟಾಗಬಹುದಾಗ ಪ್ರವಾಹ ಮತ್ತು ಚಂಡಮಾರುತಗಳಂತಹ ಪ್ರಾಕೃತಿಕ ವಿಕೋಪಗಳನ್ನು ಸಹಿಸುವ ಶಕ್ತಿಯನ್ನು ಹೊಂದಿವೆ. ಈ ವರ್ಷದ ಭಾರತದ G20 ಪ್ರೆಸಿಡೆನ್ಸಿ ಅಡಿಯಲ್ಲಿ ಇವುಗಳು ಪ್ರಮುಖ ಚರ್ಚಾ ಕೇಂದ್ರಿತ ವಿಷಯಗಳಾಗಿವೆ.

ದೇಶದಲ್ಲಿನ ಶೇಕಡಾ 100ರಷ್ಟು ಜನಸಂಖ್ಯೆಗೆ ಸೈಕ್ಲೋನ್ ಎಚ್ಚರಿಕೆಗಳು ಲಭ್ಯವಿವೆ ಎಂದು ವರದಿಯು ಹೇಳುತ್ತದೆ. ಆಂಧ್ರ ಪ್ರದೇಶ, ಒಡಿಶಾ, ಗೋವಾ, ಕರ್ನಾಟಕ, ಕೇರಳ ಮತ್ತು ಪಶ್ಚಿಮ ಬಂಗಾಳದಂತಹ ಕರಾವಳಿ ರಾಜ್ಯಗಳು ಪರಿಣಾಮಕಾರಿ ಸೈಕ್ಲೋನ್ ಮುಂಚಿನ ಎಚ್ಚರಿಕೆ ವ್ಯವಸ್ಥೆಯನ್ನು ಸ್ಥಾಪಿಸುವ ಮೂಲಕ ಕಠಿಣ ಪರಿಸ್ಥಿತಿಗಳನ್ನು ಎದುರಿಸುವ ಶಕ್ತಿಯನ್ನು ಹೊಂದಿವೆ. ಬೆಚ್ಚಗಿನ ಸಾಗರಗಳೊಂದಿಗೆ ಚಂಡಮಾರುತಗಳು ಆವರ್ತನದಲ್ಲಿ ಹೆಚ್ಚಾದಂತೆ, ಈ ಚಂಡಮಾರುತಗಳ ಹಾದಿಯಲ್ಲಿರುವ ಒಳನಾಡಿನ ರಾಜ್ಯಗಳು ಸಹ ತಡೆಯುವ ಬಲಪಡಿಸುವ ಅಗತ್ಯವಿದೆ.

ಇದನ್ನೂ ಓದಿ: ಭಾರತದಲ್ಲಿ ಶೇ.90ಕ್ಕೂ ಹೆಚ್ಚು ನಗರಗಳು ಮಳೆಗಾಲದಲ್ಲಿ ನೀರು ನಿಲ್ಲುವ, ಪ್ರವಾಹ ಸಮಸ್ಯೆಯನ್ನು ಎದುರಿಸುತ್ತವೆ!

2021 ರ ಅಧ್ಯಯನವು 27 ಭಾರತೀಯ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ತೀವ್ರವಾದ ಜಲ-ವಿಪತ್ತುಗಳಿಗೆ ಮತ್ತು ಅವುಗಳ ಸಂಯುಕ್ತ ಪರಿಣಾಮಗಳಿಗೆ ಗುರಿಯಾಗುತ್ತವೆ ಎಂದು ಕಂಡುಹಿಡಿದಿದೆ. 2021 ರಲ್ಲಿ ಮಾತ್ರ ತೀವ್ರ ಪ್ರವಾಹ ಮತ್ತು ಚಂಡಮಾರುತದ ಘಟನೆಗಳಿಂದ ದೇಶವು 62,000 ಕೋಟಿ ರೂಪಾಯಿ ಮೌಲ್ಯದಷ್ಟು ಆಸ್ತಿಪಾಸ್ತಿ ಹಾನಿಯುಂಟಾಗಿದೆ. 

ಪ್ರಸ್ತುತ, ಭಾರತದ ಸೈಕ್ಲೋನ್ ಮುಂಚಿನ ಎಚ್ಚರಿಕೆ ವ್ಯವಸ್ಥೆಗಳು ಪ್ರವಾಹಕ್ಕಿಂತ ಹೆಚ್ಚು ದೃಢವಾಗಿವೆ. ಆದರೆ ಪ್ರತಿ ರಾಜ್ಯವು ಹವಾಮಾನ ವೈಪರೀತ್ಯಗಳ ಆವರ್ತನ ಮತ್ತು ತೀವ್ರತೆಯ ಹೆಚ್ಚಳವನ್ನು ಎದುರಿಸುತ್ತಿರುವುದರಿಂದ, ಎಲ್ಲರಿಗೂ ಪರಿಣಾಮಕಾರಿ ಮುಂಚಿನ ಎಚ್ಚರಿಕೆ ವ್ಯವಸ್ಥೆಯನ್ನು ನಿರ್ಮಿಸುವುದು ಮುಖ್ಯವಾಗಿದೆ ಎಂದು ವರದಿ ಉಲ್ಲೇಖಿಸಿದೆ.

CEEW ಅಧ್ಯಯನವು ಪ್ರವಾಹಗಳು ಮತ್ತು ಚಂಡಮಾರುತಗಳಿಗೆ ದೃಢವಾಗಿ ಎದುರಿಸುವ ಆರಂಭಿಕ ಎಚ್ಚರಿಕೆ ವ್ಯವಸ್ಥೆಗಳ ಲಭ್ಯತೆ (ಮುಂಚಿನ ಎಚ್ಚರಿಕೆ ಕೇಂದ್ರಗಳ ಉಪಸ್ಥಿತಿ), ಪ್ರವೇಶ (ಫೋನ್‌ಗಳು ಸೇರಿದಂತೆ ಮಾಹಿತಿಯ ಪ್ರವೇಶವನ್ನು ಹೊಂದಿರುವ ಜನರ ಪಾಲು) ಮತ್ತು ಪರಿಣಾಮಕಾರಿತ್ವ (ಆಡಳಿತ ಮತ್ತು ಹಣಕಾಸಿನ ಚೌಕಟ್ಟುಗಳ ಉಪಸ್ಥಿತಿ)ಯನ್ನು ಲೆಕ್ಕಚಾರ ಹಾಕಲಾಗುತ್ತದೆ.