ನವದೆಹಲಿ: ಮ್ಯಾನ್ಮಾರ್ ನಲ್ಲಿ ಉಂಟಾಗಿರುವ ಆಂತರಿಕ ಸಂಘರ್ಷದಿಂದಾಗಿ ಬಂಡುಕೋರರು ಮತ್ತು ಮ್ಯಾನ್ಮಾರ್ ಸೇನೆ ನಡುವಿನ ಕಾಳಗ ಮುಂದುವರೆದಿರುವಂತೆಯೇ ಭಾರತಕ್ಕೆ ಪಲಾಯನ ಮಾಡಿದ್ದ 29 ಮ್ಯಾನ್ಮಾರ್ ಯೋಧರನ್ನು ಭಾರತೀಯ ಸೇನೆ ಹಸ್ತಾಂತರಿಸಿದೆ.

ಹೌದು.. ಮಿಲಿಷಿಯಾ ಗುಂಪಿನ ಪೀಪಲ್ಸ್ ಡಿಫೆನ್ಸ್ ಫೋರ್ಸ್ (ಪಿಡಿಎಫ್) ನೊಂದಿಗೆ ತೀವ್ರವಾದ ಗುಂಡಿನ ಚಕಮಕಿಯ ನಂತರ ಮಿಜೋರಾಂಗೆ ಪಲಾಯನ ಮಾಡಿದ್ದ 29 ಮ್ಯಾನ್ಮಾರ್ ಸೈನಿಕರನ್ನು ಭಾನುವಾರ ತಮ್ಮ ದೇಶಕ್ಕೆ ವಾಪಸ್ ಕಳುಹಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: ಗಾಜಾಪಟ್ಟಿ ಯುದ್ಧ: ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ವಿರುದ್ಧ ಸಾರ್ವಜನಿಕ ಅಭಿಪ್ರಾಯ

ಈ 29 ಸೈನಿಕರು ನವೆಂಬರ್ 16 ರಂದು ಮ್ಯಾನ್ಮಾರ್‌ನ ಚಿನ್ ರಾಜ್ಯದ ತುಬುಯಲ್‌ನಲ್ಲಿ PDF ನೊಂದಿಗೆ ಸಂಯೋಜಿತವಾಗಿರುವ ಸ್ಥಳೀಯ ಮಿಲಿಟಿಯಾ ಗುಂಪು ತಮ್ಮ ಶಿಬಿರವನ್ನು ಅಂತಾರಾಷ್ಟ್ರೀಯ ಗಡಿಯಿಂದ ಕೆಲವು ಕಿಮೀ ದೂರದಲ್ಲಿ ಚಿನ್ ನ್ಯಾಷನಲ್ ಡಿಫೆನ್ಸ್ ಫೋರ್ಸ್ (CNDF) ನಿಂದ ಆಕ್ರಮಿಸಿಕೊಂಡ ನಂತರ ಅಲ್ಲಿಂದ ಪಲಾಯನ ಮಾಡಿ ಭಾರತದ ಮಿಜೋರಾಂ ಅನ್ನು ಪ್ರವೇಶಿಸಿದ್ದರು.

"ಈ ಸೈನಿಕರನ್ನು ರಕ್ಷಣಾ ಅಧಿಕಾರಿಗಳು ಮಣಿಪುರದ ಮೊರೆಹ್‌ಗೆ ವಿಮಾನದಲ್ಲಿ ಕರೆದೊಯ್ದರು. ಅವರು ಮೊರೆಹ್‌ನಿಂದ ಹತ್ತಿರದ ಮ್ಯಾನ್ಮಾರೀಸ್ ಪಟ್ಟಣವಾದ ತಮುಗೆ ತೆರಳಿ ಅಲ್ಲಿನ ಅಧಿಕಾರಿಗಳಿಗೆ ಹಸ್ತಾಂತರಿಸಿದರು. ನಿರಂತರ ಮಳೆಯು ಪ್ರಕ್ರಿಯೆಯನ್ನು ಅಡ್ಡಿಪಡಿಸಿತು, ಇದು ಭಾರತದಲ್ಲಿ ಅವರ ವಾಸ್ತವ್ಯವನ್ನು ದೀರ್ಘಗೊಳಿಸಿತು ಎಂದು ಅಧಿಕಾರಿ ತಿಳಿಸಿದರು.

ಇದನ್ನೂ ಓದಿ: 'ಕೂಡಲೇ ನಿಮ್ಮ ಸೇನೆ ಹಿಂದಕ್ಕೆ ಕರೆಸಿಕೊಳ್ಳಿ': ಭಾರತಕ್ಕೆ ಮಾಲ್ಡೀವ್ಸ್ ನ 'ಚೀನಾ ಬೆಂಬಲಿತ ಅಧ್ಯಕ್ಷರ' ಸೂಚನೆ!

ಇತ್ತೀಚಿನ ಗುಂಡಿನ ಚಕಮಕಿಯಲ್ಲಿ ಮಿಲಿಷಿಯಾ ಬಂಡುಕೋರರ ಗುಂಪುಗಳು ಮ್ಯಾನ್ಮಾರ್ ಸೇನಾ ಶಿಬಿರಗಳನ್ನು ಅತಿಕ್ರಮಿಸಿದ ನಂತರ ಭಾರತಕ್ಕೆ ಪಲಾಯನ ಮಾಡಿದ್ದ ಒಟ್ಟು 74 ಮ್ಯಾನ್ಮಾರ್ ಸೇನಾ ಸಿಬ್ಬಂದಿಯನ್ನು ತಮ್ಮ ದೇಶಕ್ಕೆ ವಾಪಸ್ ಕಳುಹಿಸಿದ್ದಾರೆ.  ಭಾರತ ಮತ್ತು ಮ್ಯಾನ್ಮಾರ್ ನಡುವಿನ ನೈಸರ್ಗಿಕ ಗಡಿಯಾದ ಟಿಯು ನದಿಯ ಸಮೀಪವಿರುವ ಮಿಜೋರಾಂನ ಚಂಫೈ ಜಿಲ್ಲೆಯ ಸೈಖುಂಫೈಗೆ ಮ್ಯಾನ್ಮಾರ್ ಸೈನಿಕರು ಕಾಲ್ನಡಿಗೆಯಲ್ಲಿ ಬಂದರು ಮತ್ತು ಅವರನ್ನು ಅಸ್ಸಾಂ ರೈಫಲ್ಸ್ ಮತ್ತು ರಾಜ್ಯ ಪೊಲೀಸರು ವಶಕ್ಕೆ ಪಡೆದಿದ್ದರು ಎಂದು ಅಧಿಕಾರಿ ತಿಳಿಸಿದ್ದಾರೆ.