ಕೊಚ್ಚಿ: ಹಿರಿಯ ರಾಷ್ಟ್ರೀಯ ಸ್ವಯಂಸೇವಕ ಸಂಘ (RSS)ದ ನಾಯಕ ಮತ್ತು ಸಂಘಟನೆಯ ಮಾಜಿ ಬೌದ್ಧಿಕ ಪ್ರಮುಖ ಆರ್ ಹರಿ ಅವರು ನಿಧನರಾಗಿದ್ದು ಅವರಿಗೆ 93 ವರ್ಷ ವಯಸ್ಸಾಗಿತ್ತು.
ವಯೋಸಹಜ ಕಾಯಿಲೆಗಳಿಂದ ಕೊಚ್ಚಿಯ ಖಾಸಗಿ ಆಸ್ಪತ್ರೆಯಲ್ಲಿ ಹರಿ ಅವರು ನಿಧನರಾದರು ಎಂದು ಆರ್‌ಎಸ್‌ಎಸ್ ಮೂಲಗಳು ತಿಳಿಸಿವೆ. 93 ವರ್ಷ ವಯಸ್ಸಿನ ಹರಿ ಅವರು ಆರ್‌ಎಸ್‌ಎಸ್ ಪ್ರಚಾರಕ ಅವರು ಸಿದ್ಧಾಂತವಾದಿ, ಸಮೃದ್ಧ ಲೇಖಕ ಮತ್ತು ಸಾಮಾಜಿಕ ಕಾರ್ಯಕರ್ತರಾಗಿದ್ದರು. ಸಂಘದ ಕಾರ್ಯಕರ್ತರಲ್ಲಿ ಹರಿ 'ಈಟ್ಟನ್' (ಹಿರಿಯ ಸಹೋದರ) ಅಥವಾ ಹರಿಜಿ ಎಂದೇ ಜನಪ್ರಿಯರಾಗಿದ್ದರು.
ಇದನ್ನೂ ಓದಿ: ಅಮೆರಿಕದಿಂದ 1,440 ಕಲಾಕೃತಿಗಳ ವಾಪಸಾತಿ: ವಿದೇಶಗಳಿಂದ ಮತ್ತಷ್ಟು ಪುರಾತನ ಕಲಾಕೃತಿಗಳ ಹಿಂಪಡೆಯುವಿಕೆ ನಿರೀಕ್ಷೆಯಲ್ಲಿ ಭಾರತ
ಹರಿ ಅವರು ಆರ್‌ಎಸ್‌ಎಸ್‌ನಲ್ಲಿ ಉನ್ನತ ನಾಯಕತ್ವದ ಸ್ಥಾನವನ್ನು ಪಡೆದ ಕೇರಳ ರಾಜ್ಯದಿಂದ ಮೊದಲ ಪ್ರಚಾರಕರಾಗಿದ್ದರು. ಕೇರದಳ ಎರ್ನಾಕುಲಂ ಜಿಲ್ಲೆಯವರಾದ ಹರಿ ಅವರು ತಮ್ಮ ಕಾಲೇಜು ದಿನಗಳಿಂದಲೂ ಆರ್‌ಎಸ್‌ಎಸ್ ಕಾರ್ಯಕ್ರಮಗಳು ಮತ್ತು ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದರು.
ಸಂಸ್ಕೃತದಲ್ಲಿ ಸ್ನಾತಕೋತ್ತರ ಪದವೀಧರರಾದ ಅವರು ಅಂತಿಮವಾಗಿ ಪೂರ್ಣ ಸಮಯದ ಸಂಘದ ಕಾರ್ಯಕರ್ತರಾದರು. ಅವರು ಪ್ರಮುಖ ಸಂಘದ ಪತ್ರಿಕೆ ಕುರುಕ್ಷೇತ್ರದ ಪ್ರಕಟಣೆಯ ಮುಖ್ಯಸ್ಥರಾಗಿದ್ದರು.