ನವದೆಹಲಿ: ಭಾರತದ ಕಾರ್ಮಿಕ ವಲಯದ ವಿವಿಧ ಅಂಶಗಳಲ್ಲಿ ಗಮನಾರ್ಹ ಪ್ರಗತಿಯ ಹೊರತಾಗಿಯೂ 25 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಪದವೀಧರರಲ್ಲಿ ನಿರುದ್ಯೋಗ ದರ ಶೇ. 42ಕ್ಕೆ ತಲುಪಿದೆ ಎಂದು ಅಜೀಂ ಪ್ರೇಮ್‌ಜಿ ವಿಶ್ವವಿದ್ಯಾಲಯವು ಬಿಡುಗಡೆ ಮಾಡಿರುವ ವರದಿಯಲ್ಲಿ ಹೇಳಲಾಗಿದೆ.

ಎಲ್ಲಾ ಶಿಕ್ಷಣದ ಹಂತಗಳಲ್ಲಿ ಕೋವಿಡ್ ನಂತರದ ನಿರುದ್ಯೋಗ ದರ ಕೋವಿಡ್ ಪೂರ್ವಕ್ಕಿಂತ ಕಡಿಮೆಯಾಗಿದೆ. ಆದರೆ ಪದವೀಧರರಿಗೆ ಇದು ಶೇ. 15ಕ್ಕಿಂತ ಕ್ಕಿಂತ ಹೆಚ್ಚಾಗಿದ್ದು,  25 ವರ್ಷದೊಳಗಿನ ಪದವೀಧರರಲ್ಲಿ ಶೇ. 42ರಷ್ಟು ಮುಟ್ಟುತ್ತದೆ ಎಂಬುದು ಆತಂಕಕಾರಿಯಾಗಿದೆ ಎಂದು ವರದಿ ತಿಳಿಸಿದೆ. 

ವರದಿ ಪ್ರಕಾರ, 1980 ರ ದಶಕದಿಂದ ಸ್ಥಗಿತಗೊಂಡ ನಂತರ, 2004 ರಲ್ಲಿ ದಿನಗೂಲಿ ಅಥವಾ ಸಂಬಳದ ಕೆಲಸ ಹೊಂದಿರುವ ಕಾರ್ಮಿಕರ ಪಾಲು ಹೆಚ್ಚಾಗಲು ಪ್ರಾರಂಭಿಸಿತು. ಇದು ಪುರುಷರಿಗೆ ಶೇ. 18 ರಿಂದ ಶೇ. 25ಕ್ಕೆ ಮತ್ತು ಮಹಿಳೆಯರಿಗೆ ಶೇ.10 ರಿಂದ ಶೇ.25ಕ್ಕೆ ಏರಿತು. 2004 ಮತ್ತು 2017 ರ ನಡುವೆ, ವಾರ್ಷಿಕವಾಗಿ ಸುಮಾರು 3 ಮಿಲಿಯನ್ ದಿನಗೂಲಿ ಉದ್ಯೋಗಗಳನ್ನು ಸೃಷ್ಟಿಸಲಾಗಿದೆ.  2017 ಮತ್ತು 2019 ರ ನಡುವೆ ಇದು ವರ್ಷಕ್ಕೆ 5 ಮಿಲಿಯನ್‌ಗೆ ಏರಿದೆ. 2019 ರಿಂದ ಬೆಳವಣಿಗೆಯ ಕುಸಿತ ಮತ್ತು ಸಾಂಕ್ರಾಮಿಕ ರೋಗದಿಂದಾಗಿ ದಿನಗೂಲಿ ವೇತನ ಉದ್ಯೋಗ ಸೃಷ್ಟಿಯ ವೇಗ ಕಡಿಮೆಯಾಗಿದೆ ಎಂದು ಅದು ಹೇಳಿದೆ. 

ಇದನ್ನೂ ಓದಿ: ಭಾರತದ ನಿರುದ್ಯೋಗ ದರ 3 ತಿಂಗಳಲ್ಲೇ ಅಧಿಕ: ಮಾರ್ಚ್ ನಲ್ಲಿ ಶೇ.7.8 ಕ್ಕೆ ಏರಿಕೆ

ಆರ್ಥಿಕ ಬೆಳವಣಿಗೆ ಮತ್ತು ಉದ್ಯೋಗ ಸೃಷ್ಟಿಯ ನಡುವಿನ ದುರ್ಬಲ ಸಂಪರ್ಕ ಪರಿಹರಿಸುವ ನಿರ್ಣಾಯಕ ಪ್ರಾಮುಖ್ಯತೆಯನ್ನು ವರದಿಯು ಒತ್ತಿ ಹೇಳಿದೆ. ಕೃಷಿಯೇತರ ಜಿಡಿಪಿ ಬೆಳವಣಿಗೆ ಮತ್ತು ಕೃಷಿಯೇತರ ಉದ್ಯೋಗದ ಬೆಳವಣಿಗೆಯು 1990 ರ ದಶಕದಿಂದ ಯಾವುದೇ ಪರಸ್ಪರ ಸಂಬಂಧವನ್ನು ತೋರಿಸಿಲ್ಲ ಎಂದು ಇದು ಬಹಿರಂಗಪಡಿಸಿದೆ."ಆದಾಗ್ಯೂ 2004 ಮತ್ತು 2019 ರ ನಡುವೆ ಸರಾಸರಿ ಬೆಳವಣಿಗೆಯಿಂದ ಉದ್ಯೋಗ ಕ್ಷೀಣಿಸಿದೆ. ಕೋವಿಡ್ -19 ಸಾಂಕ್ರಾಮಿಕ ರೋಗ ನಿರುದ್ಯೋಗ ಪ್ರಮಾಣ ಹೆಚ್ಚಾಗುವಲ್ಲಿ ಪ್ರಮುಖ ಕಾರಣವಾಗಿದೆ.  ಲಿಂಗ ಆಧಾರಿತ ಗಳಿಕೆಯ ಅಸಮಾನತೆಗಳು ಕಡಿಮೆಯಾಗಿದ್ದರೂ 2017 ರಿಂದ ಅಂತರ ಸ್ಥಿರವಾಗಿದೆ. 

ಕುತೂಹಲಕಾರಿಯಾಗಿ, ಒಟ್ಟಾರೆ ಉದ್ಯೋಗಿಗಳಲ್ಲಿ ಚಿಕ್ಕದಾದ ಸಂಸ್ಥೆಗಳಲ್ಲಿಯೂ ಸಹ ಎಸ್‌ಸಿ ಮತ್ತು ಎಸ್‌ಟಿ ಕಾರ್ಮಿಕರು ಕಡಿಮೆ ಪ್ರಾತಿನಿಧ್ಯ ಹೊಂದಿದ್ದಾರೆ ಎಂಬ ಅಂಶವನ್ನು ವರದಿಯು ಎತ್ತಿ ತೋರಿಸಿದೆ. ಆದರೆ ಇನ್ನೂ ಗಮನಾರ್ಹವಾಗಿ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ ಮಾಲೀಕರು ನೇಮಿಸಿಕೊಳ್ಳುವ ಸಂಸ್ಥೆಗಳಲ್ಲಿಯೂ ಆ ಸಮುದಾಯದ 20 ಕ್ಕಿಂತ ಹೆಚ್ಚು ಕಾರ್ಮಿಕರಿಲ್ಲ. ಆದರೆ, ಮೇಲ್ವರ್ಗದ ಮಾಲೀಕತ್ವದ ಸಂಸ್ಥೆಗಳಲ್ಲಿ ಆ ಸಮುದಾಯದ ನೌಕರರ ಸಂಖ್ಯೆಯೂ ಹೆಚ್ಚಾಗಿದೆ. ಮಹಿಳಾ ಸ್ವಯಂ ಉದ್ಯೋಗ ದರವು ಕೋವಿಡ್ ಮುಂಚೆ ಇದ್ದ ಶೇ. 50 ರಿಂದ ಕೋವಿಡ್ ನಂತರದ ವೇಳೆಗೆ ಶೇ. 50 ರಷ್ಟು ಮಾತ್ರ ಹೆಚ್ಚಳವಾಗಿದೆ ಎಂದು ವರದಿಯಲ್ಲಿ ಕಳವಳ ವ್ಯಕ್ತಪಡಿಸಲಾಗಿದೆ. 

2004 ರಲ್ಲಿ, ಎಲ್ಲಾ ಜಾತಿಗಳಲ್ಲಿ ಸಾಂದರ್ಭಿಕ ಕೂಲಿ ಕಾರ್ಮಿಕರ ಶೇ.80 ಕ್ಕಿಂತ ಹೆಚ್ಚು ಮಕ್ಕಳು ಸಾಂದರ್ಭಿಕ ಉದ್ಯೋಗದಲ್ಲಿದ್ದರು. 2018 ರಲ್ಲಿ ಇದು ಪರಿಶಿಷ್ಟ ಸಮುದಾಯಕ್ಕೆ ಸೇರದವರಲ್ಲಿ ಶೇ. 83 ರಿಂದ ಶೇ.53ಕ್ಕೆ ಇಳಿದಿದ್ದು, ನಿಯಮಿತ ಸಂಬಳದ ಉದ್ಯೋಗಗಳಂತಹ ಉತ್ತಮ-ಗುಣಮಟ್ಟದ ಕೆಲಸದ ಘಟನೆಗಳು ಹೆಚ್ಚಾಗಿದ್ದರೆ, ಪರಿಶಿಷ್ಟ ಸಮುದಾಯದವರಿಗೆ (ಶೇ. 86 ರಿಂದ ಶೇ.76 ರಷ್ಟು) ಕಡಿಮೆಯಾಗಿದೆ ಎಂದು ವರದಿ ಹೇಳಿದೆ.