ಪುಣೆ: ಪೋರ್ಷೆ ಕಾರು ಅಪಘಾತ ಪ್ರಕರಣದಲ್ಲಿ ರಕ್ತದ ಮಾದರಿಗಳನ್ನು ವಿನಿಮಯ ಮಾಡಿಕೊಂಡ ಆರೋಪದ ಮೇಲೆ ಪುಣೆ ಪೊಲೀಸರು ಮತ್ತಿಬ್ಬರನ್ನು ಬಂಧಿಸಿದ್ದಾರೆ.
ನಿನ್ನೆ ಸೋಮವಾರ ತಡರಾತ್ರಿ ಇಬ್ಬರ ಬಂಧನದೊಂದಿಗೆ ಪೋರ್ಷೆ ಕಾರು ಅಪಘಾತ ಪ್ರಕರಣದಲ್ಲಿ ಬಂಧಿತರ ಸಂಖ್ಯೆ ಒಂಭತ್ತಕ್ಕೆ ಏರಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕಾರಿನಲ್ಲಿ ಬಾಲಾಪರಾಧಿಗಳ ಜೊತೆಯಲ್ಲಿದ್ದ ಇಬ್ಬರು ಅಪ್ರಾಪ್ತರ ರಕ್ತದ ಮಾದರಿಗಳನ್ನು ಬದಲಾಯಿಸಲಾಗಿದೆ, ಅವರಲ್ಲಿ ಅಪ್ರಾಪ್ತ ವಯಸ್ಕನ ತಂದೆ ಸೇರಿದ್ದಾರೆ ಎಂದು ಪುಣೆ ಪೊಲೀಸ್ ಕಮಿಷನರ್ ಅಮಿತೇಶ್ ಕುಮಾರ್ ಇಂದು ಬೆಳಗ್ಗೆ ತಿಳಿಸಿದ್ದಾರೆ.
ಮೇ 19 ರ ನಸುಕಿನ ವೇಳೆ ಪುಣೆಯ ಕಲ್ಯಾಣಿ ನಗರ ಪ್ರದೇಶದಲ್ಲಿ ಮದ್ಯದ ಅಮಲಿನಲ್ಲಿ ಅಪ್ರಾಪ್ತ ವಯಸ್ಕನು ಚಲಾಯಿಸಿದ ಅತ್ಯಾಧುನಿಕ ಪೋರ್ಷೆ ಕಾರು ಇಬ್ಬರು ಬೈಕ್ನಲ್ಲಿದ್ದ ಮಹಿಳೆ ಸೇರಿದಂತೆ ಐಟಿ ವೃತ್ತಿಪರರನ್ನುಕೊಂದು ಸಾಯಿಸಿತ್ತು. ಬಾಲಕ ಪುಣೆಯ ಖ್ಯಾತ ಉದ್ಯಮಿಯ ಪುತ್ರ.
ಬಾಲಕನ ಪೋಷಕರು ಮತ್ತು ವೈದ್ಯರಾದ ಡಾ ಅಜಯ್ ತಾವರೆ, ಆಗಿನ ಫೋರೆನ್ಸಿಕ್ ಮೆಡಿಸಿನ್ ವಿಭಾಗದ ಎಚ್ಒಡಿ, ಡಾ ಶ್ರೀಹರಿ ಹಾಲ್ನೋರ್ ಮತ್ತು ಸಸೂನ್ನ ಒಬ್ಬ ಸಿಬ್ಬಂದಿ ಅತುಲ್ ಘಾಟ್ಕಾಂಬಳೆ, ಅಪ್ರಾಪ್ತ ವಯಸ್ಕನ ರಕ್ತದ ಮಾದರಿಗಳನ್ನು ಅವನ ತಾಯಿಯ ರಕ್ತದೊಂದಿಗೆ ವಿನಿಮಯ ಮಾಡಿಕೊಂಡ ಆರೋಪದಲ್ಲಿ ಈಗಾಗಲೇ ಬಂಧಿತರಾಗಿದ್ದಾರೆ.
ಇತರ ಇಬ್ಬರು ಆರೋಪಿಗಳು - ಅಶ್ಪಕ್ ಮಕಾಂದರ್ ಮತ್ತು ಅಮರ್ ಗಾಯಕ್ವಾಡ್ - ರಕ್ತದ ಮಾದರಿಗಳನ್ನು ವಿನಿಮಯ ಮಾಡಿಕೊಳ್ಳಲು ಹಣಕಾಸು ವಹಿವಾಟುಗಳನ್ನು ಸುಗಮಗೊಳಿಸಲು ತಂದೆ ಮತ್ತು ವೈದ್ಯರ ನಡುವೆ ಮಧ್ಯವರ್ತಿಗಳಾಗಿ ಕಾರ್ಯನಿರ್ವಹಿಸಿದ್ದರು. ಅವರನ್ನೂ ಈ ಹಿಂದೆಯೇ ಬಂಧಿಸಲಾಗಿತ್ತು. ಈ ಹಿಂದೆ ಬಂಧಿಸಲಾದ ಏಳು ಆರೋಪಿಗಳ ವಿರುದ್ಧ ಪುಣೆ ಪೊಲೀಸರು ಇತ್ತೀಚೆಗೆ 900 ಪುಟಗಳ ಆರೋಪಪಟ್ಟಿ ಸಲ್ಲಿಸಿದ್ದಾರೆ.