ಅಯೋಧ್ಯೆ: ಅಯೋಧ್ಯೆಯಲ್ಲಿ ಪ್ರತಿಷ್ಠಾಪನೆಗೊಂಡ ಭಗವಾನ್ ರಾಮನ ದರ್ಶನಕ್ಕಾಗಿ ಲಕ್ಷೋಪಲಕ್ಷ  ಮಂದಿ ಮಂದಿರಕ್ಕೆ ಆಗಮಿಸುತ್ತಿದ್ದಾರೆ. ಈ ನಡುವೆ ಮಂದಿರ ದರ್ಶನಕ್ಕಾಗಿ ಆಗಮಿಸಿದ್ದ ಭಕ್ತಾದಿಗಳು 300 ಬ್ಲ್ಯಾಂಕೆಟ್ ಗಳನ್ನು ಹೊತ್ತೊಯ್ದಿದ್ದಾರೆ ಎಂದು ತಿಳಿದುಬಂದಿದೆ.

ರಾಮಪಥದಲ್ಲಿ ನಡೆಯುತ್ತಿದ್ದ ಘೋಷಣೆಯ ಮೂಲಕ ಈ ಮಾಹಿತಿ ಲಭ್ಯವಾಗಿದೆ. ಅಯೋಧ್ಯೆಯಲ್ಲೇ ತಂಗಿದ್ದು ಮಂದಿರಕ್ಕೆ ಆಗಮಿಸಿದ ಭಕ್ತಾದಿಗಳಿಗಾಗಿ (ವಿವಿಐಪಿಯೇತರ) ತಾತ್ಕಾಲಿತ ಟೆಂಟ್ ಗಳನ್ನು ನಿರ್ಮಿಸಲಾಗಿತ್ತು. ಟೆಂಟ್ ಗಳಲ್ಲಿ ವಾಸ್ತವ್ಯ ಹೂಡಿದ್ದ ಭಕ್ತಾದಿಗಳು 300 ಬ್ಲ್ಯಾಂಕೆಟ್ ಗಳನ್ನು ಹೊತ್ತೊಯ್ದಿದ್ದಾರೆ. 

ಇದನ್ನೂ ಓದಿ: ರಾಮ ಜನ್ಮಭೂಮಿ ಮರಳಿ ಪಡೆಯಲು 'ಸಾಧನೆ' ಬಿಟ್ಟು, Law ಓದಿ ಕಾನೂನು ಹೋರಾಟ ಮಾಡಿದ 'ನಾಗಾ ಸಾಧು'

ಈ ತಾತ್ಕಾಲಿಕ ಟೆಂಟ್ ಗಳಿಂದ ಭಕ್ತಾದಿಗಳು ಬ್ಲ್ಯಾಂಕೆಟ್ ಹೊತ್ತೊಯ್ದಿರುವ ಮಾಹಿತಿಯನ್ನು ಪ್ರಕಟಿಸಿರುವ ಟ್ರಸ್ಟ್, ಅವುಗಳನ್ನು ವಾಪಸ್ ನೀಡುವಂತೆ ಹೇಳಿದೆ. ಈ ಬ್ಲಾಂಕೆಟ್ ಗಳನ್ನು ದಯವಿಟ್ಟು ವಾಪಸ್ ನೀಡಿ ಎಂದು ಟ್ರಸ್ಟ್ ಮನವಿ ಮಾಡಿದೆ. ಈ ದಿನವೂ ರಾಮಲಲ್ಲಾ ದರ್ಶನ ಪಡೆಯುವುದಕ್ಕೆ ಭಕ್ತ ಸಾಗರ ನೆರೆದಿದ್ದು ಕಿ.ಮೀ ಗಟ್ಟಲೆ ಭಕ್ತಾದಿಗಳು ಸರತಿಸಾಲಿನಲ್ಲಿ ನಿಂತು ದರ್ಶನಕ್ಕಾಗಿ ಕಾಯುತ್ತಿದ್ದಾರೆ.