ನವದೆಹಲಿ: ಮುಂಬರುವ ದೆಹಲಿ ವಿಧಾನಸಭಾ ಚುನಾವಣೆಗೆ 29 ಅಭ್ಯರ್ಥಿಗಳನ್ನೊಳಗೊಂಡ ಎರಡನೇ ಪಟ್ಟಿಯನ್ನು ಬಿಜೆಪಿ ಶನಿವಾರ ಬಿಡುಗಡೆಗೊಳಿಸಿದೆ. ಕಪಿಲ್ ಮಿಶ್ರಾ ಮತ್ತು ಹರೀಶ್ ಖುರಾನಾ ಅವರನ್ನು ಕ್ರಮವಾಗಿ ಕರವಾಲ್ ನಗರ ಮತ್ತು ಮೋತಿ ನಗರದಿಂದ ಕಣಕ್ಕಿಳಿಸಿದೆ.
ನರೇಲಾದಿಂದ ರಾಜ್ ಕರಣ್ ಖತ್ರಿ, ತಿಮಾರ್ಪುರದಿಂದ ಸೂರ್ಯ ಪ್ರಕಾಶ್ ಖತ್ರಿ, ಮುಂಡ್ಕಾದಿಂದ ಗಜೇಂದ್ರ ದಾರಾಲ್, ಕಿರಾರಿಯಿಂದ ಬಜರಂಗ್ ಶುಕ್ಲಾ, ಸುಲ್ತಾನ್ಪುರ ಮಜ್ರಾದಿಂದ ಕರಣ್ ಸಿಂಗ್ ಕರ್ಮಾ, ಶಕುರ್ ಬಸ್ತಿಯಿಂದ ಕರ್ನೈಲ್ ಸಿಂಗ್ ಮತ್ತು ತ್ರಿನಗರದಿಂದ ತಿಲಕ್ ರಾಮ್ ಗುಪ್ತಾ ಬಿಜೆಪಿ ಅಭ್ಯರ್ಥಿಗಳಾಗಿದ್ದಾರೆ.
ಸದರ್ ಬಜಾರ್ನಿಂದ ಮನೋಜ್ ಕುಮಾರ್ ಜಿಂದಾಲ್, ಚಾಂದಿನಿ ಚೌಕದಿಂದ ಸತೀಶ್ ಜೈನ್, ಮಟಿಯಾ ಮಹಲ್ನಿಂದ ದೀಪ್ತಿ ಇಂದೋರಾ, ಮಾದಿಪುರದಿಂದ ಊರ್ಮಿಳಾ ಕೈಲಾಶ್ ಗಂಗ್ವಾಲ್, ಹರಿನಗರದಿಂದ ಶ್ಯಾಮ್ ಶರ್ಮಾ, ತಿಲಕ್ ನಗರದಿಂದ ಶ್ವೇತಾ ಸೈನಿ ಸೇರಿದಂತೆ ಇತರ ಹಲವು ಮಂದಿಗೆ ಬಿಜೆಪಿ ಟಿಕೆಟ್ ನೀಡಿದೆ.
70 ವಿಧಾನಸಭಾ ಸ್ಥಾನಗಳ ಪೈಕಿ ಉಳಿದ 41 ಸ್ಥಾನಗಳಿಗೆ ಅಭ್ಯರ್ಥಿಗಳ ಹೆಸರನ್ನು ಅಂತಿಮಗೊಳಿಸಲು ಬಿಜೆಪಿಯ ಕೇಂದ್ರ ಚುನಾವಣಾ ಸಮಿತಿ (ಸಿಇಸಿ) ಶುಕ್ರವಾರ ಸಂಜೆ ಸಭೆ ಸೇರಿತ್ತು. ಇಂದು 29 ಅಭ್ಯರ್ಥಿಗಳ ಹೆಸರನ್ನು ಬಿಡುಗಡೆ ಮಾಡಿದೆ.
ಈ ಹಿಂದೆ ಜನವರಿ 4 ರಂದು 29 ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿತ್ತು. ಇದರಲ್ಲಿ ಪರ್ವೇಶ್ ಸಾಹಿಬ್ ಸಿಂಗ್ ವರ್ಮಾ ಅವರನ್ನು ನವದೆಹಲಿ ಕ್ಷೇತ್ರದಿಂದ ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ಮತ್ತು ಮುಖ್ಯಮಂತ್ರಿ ಅತಿಶಿ ಸ್ಪರ್ಧಿಸುತ್ತಿರುವ ಕಲ್ಕಾಜಿಯಿಂದ ಮಾಜಿ ಸಂಸದ ರಮೇಶ್ ಬಿಧುರಿ ಅವರನ್ನು ಕಣಕ್ಕಿಳಿಸಲಾಗಿತ್ತು.