ನವದೆಹಲಿ: ಕೇಂದ್ರ ಚುನಾವಣಾ ಆಯೋಗದ (EC) ಅಂಕಿಅಂಶಗಳ ಪ್ರಕಾರ, ಭಾರತದಲ್ಲಿ ಮತದಾರರ ಸಂಖ್ಯೆ ಈಗ 99.1 ಕೋಟಿಗೆ ತಲುಪಿದೆ, ಕಳೆದ ವರ್ಷ ಲೋಕಸಭಾ ಚುನಾವಣೆ ನಡೆದ ವೇಳೆ ಭಾರತೀಯ ಮತದಾರರ ಸಂಖ್ಯೆ 96.88 ಕೋಟಿ ಇತ್ತು.

ರಾಷ್ಟ್ರೀಯ ಮತದಾರರ ದಿನಾಚರಣೆಗೆ ಮೊದಲು ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, ಚುನಾವಣಾ ಆಯೋಗವು ಮತದಾರರ ಪಟ್ಟಿಯು ಯುವ ಮತ್ತು ಲಿಂಗ-ಸಮತೋಲಿತ ನೋಟವನ್ನು ಹೊಂದಿದೆ ಎಂದು ಹೇಳಿದೆ, 18 ರಿಂದ 29 ವಯಸ್ಸಿನ 21.7 ಕೋಟಿ ಮತದಾರರು ಮತ್ತು 2024 ರಲ್ಲಿ ಪ್ರತಿ ಸಾವಿರಕ್ಕೆ 948 ರಿಂದ 2025 ರಲ್ಲಿ 954 ಕ್ಕೆ ಲಿಂಗ ಅನುಪಾತದಲ್ಲಿ ಆರು ಪಟ್ಟು ಹೆಚ್ಚಳವಾಗಿದೆ.

1950 ರಲ್ಲಿ ಸ್ಥಾಪನೆಗೊಂಡ ದಿನದಿಂದ ಚುನಾವಣಾ ಆಯೋಗದ ಸಂಸ್ಥಾಪನಾ ದಿನವನ್ನು ಗುರುತಿಸಲು ಪ್ರತಿ ವರ್ಷ ಜನವರಿ 25 ರಂದು ರಾಷ್ಟ್ರೀಯ ಮತದಾರರ ದಿನವನ್ನು ಆಚರಿಸಲಾಗುತ್ತದೆ.

ಜನವರಿ 7 ರಂದು ದೆಹಲಿ ವಿಧಾನಸಭಾ ಚುನಾವಣಾ ವೇಳಾಪಟ್ಟಿಯನ್ನು ಘೋಷಿಸುವಾಗ, ಮುಖ್ಯ ಚುನಾವಣಾ ಆಯುಕ್ತ (CEC) ರಾಜೀವ್ ಕುಮಾರ್ ಅವರು ಭಾರತವು ಶೀಘ್ರದಲ್ಲೇ ಒಂದು ಶತಕೋಟಿಗೂ ಹೆಚ್ಚು ಮತದಾರರ ಹೊಸ ದಾಖಲೆಯನ್ನು ಸೃಷ್ಟಿಸಲಿದೆ ಎಂದು ಹೇಳಿದ್ದರು.

ನಿನ್ನೆ ಮತದಾರರ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ನಾವು 99 ಕೋಟಿ ಮತದಾರ ಸಂಖ್ಯೆ ದಾಟುತ್ತಿದ್ದೇವೆ. ಶೀಘ್ರದಲ್ಲೇ ಒಂದು ಶತಕೋಟಿ ಮತದಾರರನ್ನು ಹೊಂದಿದ ರಾಷ್ಟ್ರ ಭಾರತವಾಗಲಿದೆ. ಇದು ಮತದಾನದಲ್ಲಿ ಮತ್ತೊಂದು ದಾಖಲೆಯಾಗಲಿದೆ ಎಂದು ಹೇಳಿದ್ದರು.

"ಇಂದು ಉತ್ತರ ಪ್ರದೇಶ, ರಾಜಸ್ಥಾನ, ಬಿಹಾರ ಮತ್ತು ಪಂಜಾಬ್ ರಾಜ್ಯಗಳು ಎಸ್‌ಎಸ್‌ಆರ್ (ವಿಶೇಷ ಸಾರಾಂಶ ಪರಿಷ್ಕರಣೆ) ಘೋಷಿಸಿದ ನಂತರ, ನಾವು ಮೊದಲ ಬಾರಿಗೆ 99 ಕೋಟಿ ಮತದಾರರನ್ನು ದಾಟಲಿದ್ದೇವೆ ಎಂದು ಕೇಂದ್ರ ಚುನಾವಣಾ ಆಯೋಗ ಹೇಳಿದ್ದು, ಮಹಿಳಾ ಮತದಾರರ ಸಂಖ್ಯೆಯೂ ಸುಮಾರು 48 ಕೋಟಿ ಆಗಲಿದೆ ಎಂದು ಹೇಳಿದರು.