ನವದೆಹಲಿ: ಇಸ್ರೇಲ್ ನ ಟೆಲ್ ಅವಿವ್ ವಿಮಾನ ನಿಲ್ದಾಣದ ಬಳಿ ಕ್ಷಿಪಣಿ ದಾಳಿ ನಡೆದಿರುವ ಹಿನ್ನೆಲೆಯಲ್ಲಿ ದೆಹಲಿಯಿಂದ ಹೊರಟ್ಟಿದ್ದ ಏರ್ ಇಂಡಿಯಾ ವಿಮಾನ ಅಬುಧಾಬಿಗೆ ಮಾರ್ಗ ಬದಲಿಸಿದೆ ಎಂದು ಮೂಲಗಳು ಭಾನುವಾರ ತಿಳಿಸಿವೆ. ಏರ್ ಇಂಡಿಯಾ ವಿಮಾನಯಾನ ಸಂಸ್ಥೆಯು ಟೆಲ್ ಅವಿವ್ ವಿಮಾನಗಳನ್ನು ಮೇ 6 ರವರೆಗೆ ಸ್ಥಗಿತಗೊಳಿಸಿದೆ.
ಬೋಯಿಂಗ್ 787 ವಿಮಾನದೊಂದಿಗೆ ಕಾರ್ಯನಿರ್ವಹಿಸುತ್ತಿದ್ದ ಏರ್ ಇಂಡಿಯಾ ಫ್ಲೈಟ್ AI 139 ಟೆಲ್ ಅವೀವ್ನಲ್ಲಿ ಇಳಿಯುವ ಒಂದು ಗಂಟೆಯ ಮೊದಲು ಈ ದಾಳಿ ನಡೆದಿದೆ ಎಂದು ಮೂಲಗಳು ತಿಳಿಸಿವೆ.
ಇಂದು ಬೆಳಗ್ಗೆ ಬೆನ್ ಗುರಿಯಾನ್ ವಿಮಾನ ನಿಲ್ದಾಣದಲ್ಲಿ ಈ ಘಟನೆ ಸಂಭವಿಸಿದ ನಂತರ ದೆಹಲಿಯಿಂದ ಟೆಲ್ ಅವೀವ್ ನತ್ತ ಹೊರಟ್ಟಿದ್ದ AI 139 ಏರ್ ಇಂಡಿಯಾ ವಿಮಾನವನ್ನು ಅಬುದಾಬಿಯತ್ತ ತಿರುಗಿಸಲಾಯಿತು.
ಈ ವಿಮಾನ ಅಬುದಾಬಿಯಲ್ಲಿ ಸಹಜವಾಗಿ ಲ್ಯಾಂಡ್ ಆಗಿದ್ದು, ಶೀಘ್ರದಲ್ಲಿಯೇ ದೆಹಲಿಗೆ ಮರಳಲಿದೆ ಎಂದು ಏರ್ ಲೈನ್ಸ್ ಹೇಳಿಕೆಯಲ್ಲಿ ತಿಳಿಸಿದೆ.
ಗ್ರಾಹಕರು ಮತ್ತು ಸಿಬ್ಬಂದಿಯ ಸುರಕ್ಷತೆ ಖಚಿತಪಡಿಸಿಕೊಳ್ಳಲು ಮೇ 6 ರವರೆಗೆ ತಕ್ಷಣವೇ ಜಾರಿಗೆ ಬರುವಂತೆ ಟೆಲ್ ಅವಿವ್ಗೆ ತನ್ನ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಲಾಗುವುದು ಎಂದು ಏರ್ಲೈನ್ ಹೇಳಿದೆ.