ನವದೆಹಲಿ: ಜೂನ್ 22ರ ಮಧ್ಯರಾತ್ರಿ ಸರ್ಕಾರ ಟೆಲಿಗ್ರಾಂ ಆ್ಯಪ್ ಮೇಲೆ ವಿಧಿಸಿದ್ದ ತಾತ್ಕಾಲಿಕ ನಿಷೇಧ ಮುಗಿದ ನಂತರ ಮಂಗಳವಾರ ಬೆಳಿಗ್ಗೆ ಗೂಗಲ್ ಟೆಲಿಗ್ರಾಮ್ ಅನ್ನು ಮರುಸ್ಥಾಪಿಸಿದೆ.
ಮೆಸೇಜಿಂಗ್ ಅಪ್ಲಿಕೇಶನ್ ಅನ್ನು ಈಗಾಗಲೇ ಕೆಲವು ಅಸ್ತಿತ್ವದಲ್ಲಿರುವ ಬಳಕೆದಾರರು ಬಳಸಬಹುದಾಗಿತ್ತಾದರೂ, ಹೊಸ ಬಳಕೆದಾರರು ಆಪಲ್ನ ಆಪ್ ಸ್ಟೋರ್ನಿಂದ ಬೆಳಿಗ್ಗೆ 10 ಗಂಟೆಯವರೆಗೆ ಅದನ್ನು ಹುಡುಕಲು ಅಥವಾ ಡೌನ್ಲೋಡ್ ಮಾಡಲು ಸಾಧ್ಯವಾಗಲಿಲ್ಲ. ಏಕೆಂದರೆ, ಅದನ್ನು ತಾತ್ಕಾಲಿಕವಾಗಿ ತೆಗೆದುಹಾಕಲಾಗಿತ್ತು.
ಈ ವಿಷಯದಲ್ಲಿ ಸುದ್ದಿಸಂಸ್ಥೆ ಪಿಟಿಐ ಆ್ಯಪಲ್ಗೆ ಕಳುಹಿಸಿದ ಇಮೇಲ್ ಪ್ರಶ್ನೆಗೆ ತಕ್ಷಣದ ಪ್ರತಿಕ್ರಿಯೆ ಸಿಕ್ಕಿಲ್ಲ.
ದೇಶದಾದ್ಯಂತ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದ್ದ ವೈದ್ಯಕೀಯ ಪ್ರವೇಶ ಪರೀಕ್ಷೆ NEET-UG 2026 ಪ್ರಶ್ನೆಪತ್ರಿಕೆ ಲೀಕ್ ತಡೆಯಲು ವಿಫಲವಾಗಿದ್ದ ಮೋದಿ ಸರ್ಕಾರ, ಮೆಸೇಜಿಂಗ್ ಆ್ಯಪ್ ‘ಟೆಲಿಗ್ರಾಮ್’ ಅನ್ನು ಜೂನ್ 22 ರವರೆಗೆ ತಾತ್ಕಾಲಿಕವಾಗಿ ನಿಷೇಧಿಸಿತ್ತು.
ಈ ನಿಷೇಧ ಹೇರುವ ಮುನ್ನ, ಸರ್ಕಾರಿ ಅಧಿಕಾರಿಗಳು ಜೂನ್ 3 ರಂದು ಟೆಲಿಗ್ರಾಂ ಪ್ರತಿನಿಧಿಗಳನ್ನು ಭೇಟಿಯಾದರು. ನಂತರ, ಜೂನ್ 22ರವರೆಗೆ ವೆಬ್ ಆವೃತ್ತಿ ಸೇರಿದಂತೆ ಅಪ್ಲಿಕೇಶನ್ ಮತ್ತು ಅದರ ಸಂಬಂಧಿತ ವೆಬ್ ಲಿಂಕ್ಗಳನ್ನು ನಿರ್ಬಂಧಿಸಲು ಕೇಂದ್ರ ನಿರ್ಧರಿಸಿತು.
ತನ್ನ ಸಂದೇಶ ಎಡಿಟ್ ವೈಶಿಷ್ಟ್ಯವನ್ನು ಸಹ ಜೂನ್ 30 ರವರೆಗೆ ನಿರ್ಬಂಧಿಸಲು ಟೆಲಿಗ್ರಾಮ್ಗೆ ನಿರ್ದೇಶಿಸಲಾಗಿದೆ.
ಜೂನ್ 21 ರಂದು NEET ಮರು ಪರೀಕ್ಷೆಯನ್ನು ನಡೆಸಲಾಗಿದ್ದು, ಇಲ್ಲಿಯವರೆಗೆ ಯಾವುದೇ ವಂಚನೆಯಾಗಿರುವ ಕುರಿತು ವರದಿಯಾಗಿಲ್ಲ.