ಚೆನ್ನೈ: ತಮಿಳುನಾಡು ಚುನಾವಣೆಯಲ್ಲಿ ಅಚ್ಚರಿ ರೀತಿಯಲ್ಲಿ ನಟ ವಿಜಯ್ ಅವರ ಟಿವಿಕೆ ಅವರ ಪಕ್ಷ ಸಾಧನೆ ಮಾಡಿದೆ. ಚೊಚ್ಚಲ ಚುನಾವಣೆಯಲ್ಲಿಯೇ ಹೆಚ್ಚಿನ ಸ್ಥಾನಗಳಲ್ಲಿ ಗೆಲುವು ಸಾಧಿಸುವ ಮೂಲಕ ಅಧಿಕಾರದ ಚುಕ್ಕಾಣಿ ಹಿಡಿಯುವ ಹಾದಿಯಲ್ಲಿದೆ. ಹಾಗೆ ನೋಡಿದರೆ, ತಮಿಳುನಾಡು ರಾಜಕೀಯ ಹಾಗೂ ಸಿನಿಮಾರಂಗದ ನಡುವೆ ಅವಿನಾಭಾವ ಸಂಬಂಧ ಇದೆ.

ವಾಸ್ತವವಾಗಿ ಅನೇಕ ಸ್ಟಾರ್ ಗಳು ರಾಜಕೀಯ ನಾಯಕರಾಗಿಯೂ ಮಿಂಚಿರುವ ಇತಿಹಾಸವಿದೆ. ಎಂಜಿಆರ್ ಮತ್ತು ಜಯಲಲಿತಾ ಅವರಂತಹ ಮೇರು ಕಲಾವಿದರು ಮುಖ್ಯಮಂತ್ರಿಗಳಾಗಿ ತಮ್ಮದೇ ಆದ ಚರಿತ್ರೆ ಸೃಷ್ಟಿಸಿದ್ದಾರೆ. ಆದರೆ ಕಮಲ್ ಹಾಸನ್ ಹಾಗೂ ರಜನಿಕಾಂತ್ ಅವರಂತಹ ಸ್ಟಾರ್ ನಟರು ತಮ್ಮ ಅಭಿಮಾನಿಗಳನ್ನು ರಾಜಕೀಯ ನೆಲೆಯಾಗಿ ಪರಿವರ್ತಿಸುವಲ್ಲಿ ವಿಫಲರಾದರು. ಆದರೆ ವಿಜಯ್ ಅವರ ಟಿವಿಕೆ ಏಕೈಕ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮುವ ಮೂಲಕ ತಮಿಳುನಾಡಿನಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿಯುವ ತವಕದಲ್ಲಿದೆ.

ದಳಪತಿ ವಿಜಯ್ ತಮಿಳುನಾಡು ಚುನಾವಣಾ ಕಣಕ್ಕೆ ಧುಮ್ಮುಕ್ಕಿದ್ದಾಗ ಅನೇಕರು ಅಷ್ಟಾಗಿ ಗಂಭೀರವಾಗಿ ತೆಗೆದುಕೊಂಡಿರಲಿಲ್ಲ. ಈಗಾಗಲೇ ಸಿನಿಮಾರಂಗದಿಂದ ರಾಜಕೀಯಕ್ಕೆ ಬಂದ ಅನೇಕರು ವಿಫಲವಾದ್ದಂತೆ ಇವರು ಯಶಸ್ಸು ಸಾಧಿಸುವುದಿಲ್ಲ ಅಂತಾ ಬಹುತೇಕ ಮಂದಿ ಮಾತನಾಡಿಕೊಳ್ಳುತ್ತಿದ್ದರು. ಆದರೆ ಈಗ ಚೊಚ್ಚಲ ಚುನಾವಣೆಯಲ್ಲಿ ಗಮನಾರ್ಹ ಪ್ರಭಾವ ಬೀರುವ ಮೂಲಕ ದೇಶವನ್ನೇ ತನ್ನತ್ತ ತಿರುಗುವಂತೆ ಮಾಡಿದ್ದಾರೆ.

ಹಾಗಾದರೆ, ವಿಜಯ್‌ಗೆ ಏನು ವರ್ಕೌಟ್ ಆಗಿದೆ? ಹೆಚ್ಚಿನ ಅಭಿಮಾನಿಗಳನ್ನು ಹೊಂದಿರುವ ಸೂಪರ್‌ಸ್ಟಾರ್‌ಗಳಾದ ಕಮಲ್ ಹಾಸನ್ ಮತ್ತು ರಜನಿಕಾಂತ್‌ಗಿಂತ ವಿಭಿನ್ನವಾಗಿ ಏನು ಮಾಡಿದರು? ಹೀಗೆ ಹಲವಾರು ಅಂಶಗಳು ವಿಜಯ್ ಅವರು ರಾಜಕೀಯದಲ್ಲಿ ನಿಲ್ಲಲು ಕಾರಣವಾಗಿದೆ. ಜನ ನಾಯಗನ್ ಸ್ಟಾರ್ 49 ವರ್ಷಗಳ ಅಪನಂಬಿಕೆಯನ್ನು ಮುರಿಯುವ ಹಾದಿಯಲ್ಲಿದ್ದಾರೆ. 1977 ರಲ್ಲಿ ಎಂಜಿಆರ್ ತಮಿಳುನಾಡಿನ ಮುಖ್ಯಮಂತ್ರಿಯಾದ ಮೊದಲ ನಟನಾಗಿದ್ದರು. ಜಯಲಲಿತಾ ಕೂಡಾ ಸಿನಿಮಾ ರಂಗದಿಂದ ಬಂದವರೇ, ಆದರೂ ಅವರು ರಾಜಕೀಯಕ್ಕೆ ಬರುವಷ್ಟರಲ್ಲಿ ಎಐಎಡಿಎಂಕೆ ಪಕ್ಷ ಅಸ್ತಿತ್ವದಲ್ಲಿತ್ತು.

ನಟನೆಯನ್ನು ತ್ಯಜಿಸಿ ಪೂರ್ಣ ಸಮಯದ ರಾಜಕಾರಣಿಯಾಗಿ ಸೇವೆ ಸಲ್ಲಿಸುವುದಾಗಿ ಪ್ರತಿಪಾದಿಸುವ ಮೂಲಕ, ವಿಜಯ್ ಅವರು ಗಂಭೀರ ವ್ಯಕ್ತಿ ಎಂದು ತೋರಿಸಿದರು. ಅಲ್ಲದೇ ತಾವು ರಾಜಕೀಯಕ್ಕೆ ಧುಮುಕ್ಕುವುದು ಕೇವಲ ಅತಿಥಿ ಪಾತ್ರಕ್ಕೆ ಸಿಮೀತವಾಗುವುದಿಲ್ಲ ಅಂತಾ ಹೇಳಿದ್ದರು. ರಾಜಕೀಯಕ್ಕಾಗಿ ತಮ್ಮ ಮೂರು ದಶಕಗಳ ವೃತ್ತಿಜೀವನವನ್ನು ಪಣಕ್ಕಿಟ್ಟರು. ಆದರೆ ರಜನಿಕಾಂತ್ ಅವರಲ್ಲಿ ಸ್ಪಷ್ಪತೆ ಇರಲಿಲ್ಲ. ಒಂದು ದಶಕದ ಕಾಲ ಕಸರತ್ತು ಮಾಡಿದ ನಂತರ ರಜನಿಕಾಂತ್ ರಾಜಕೀಯಕ್ಕೆ ಧುಮುಕಿದರು. ಆದರೆ ಚುನಾವಣೆಯಲ್ಲಿ ಸ್ಪರ್ಧಿಸದೆಯೇ ಹೊರಬಂದರು. ಮುಖ್ಯವಾಗಿ, ಸನ್‌ಗ್ಲಾಸ್‌ನೊಂದಿಗೆ ಸಿಗರೇಟ್ ಫ್ಲಿಕ್ಸ್ ಅಥವಾ ತಂತ್ರಗಳಿಂದ ಪ್ರೇಕ್ಷಕರ ಕಲ್ಪನೆಯನ್ನು ಸೆಳೆದ ರಜನಿಕಾಂತ್, ಮತದಾರರಿಗೆ ತಾವು ದೀರ್ಘಕಾಲ ಬಲಶಾಲಿಯಾಗಿ ರಾಜಕೀಯದಲ್ಲಿ ಉಳಿಯುತ್ತೇನೆ ಎಂದು ಮನವರಿಕೆ ಮಾಡಿಕೊಡುವಲ್ಲಿ ವಿಫಲರಾದರು.

ಕಮಲ್ ಹಾಸನ್ ಒಂದು ಹೆಜ್ಜೆ ಮುಂದೆ ಹೋದರು. ಅವರ ಮಕ್ಕಳ್ ನೀಧಿ ಮಯಂ (ಎಂಎನ್‌ಎಂ) 2019 ರ ಲೋಕಸಭಾ ಚುನಾವಣೆ ಮತ್ತು 2021 ರ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿತು. ಆದಾಗ್ಯೂ, ಎಂಎನ್‌ಎಂ ಒಂದೇ ಒಂದು ಸ್ಥಾನವನ್ನು ಗೆಲ್ಲುವಲ್ಲಿ ವಿಫಲವಾಯಿತು. ಅದರ ಮತ ಹಂಚಿಕೆ ಹೆಚ್ಚಾಗಿ ನಗರ ಕೇಂದ್ರಗಳಿಗೆ ಸೀಮಿತವಾಗಿತ್ತು. 2026 ರ ಹೊತ್ತಿಗೆ, ಹಾಸನ್ ಅವರ ಎಂಎನ್‌ಎಂ ಮಸುಕಾಗಿತ್ತು. ನಟ ಈಗ ಡಿಎಂಕೆ ಬೆಂಬಲದೊಂದಿಗೆ ರಾಜ್ಯಸಭಾ ಸಂಸದರಾಗಿದ್ದಾರೆ. ಇದಲ್ಲದೆ, ರಜನಿಕಾಂತ್ ಅಥವಾ ಹಾಸನ್ ಮಾಡಿದಂತೆ ಅದ್ದೂರಿಯಾಗಿ ರಾಜಕೀಯ ಪ್ರವೇಶ ಮಾಡಲಿಲ್ಲ. ಕಾಲಿವುಡ್ ನಲ್ಲಿಯೂ ಸಹ, ಅವರು ಸಾಧಾರಣ ಆರಂಭವನ್ನು ಹೊಂದಿದ್ದರು. ಆ ಸಾಮಾನ್ಯತೆ ಮುಖ್ಯವಾಗಿತ್ತು. ಜನರೊಂದಿಗೆ ಸಂಪರ್ಕವಿತ್ತು.

ಎರಡನೆಯದಾಗಿ ಟಿವಿಕೆ, ಡಿಎಂಕೆ ಹಾಗೂ ಎಐಎಡಿಎಂಕೆಗಿಂತ ಭಿನ್ನ ಎಂದು ಬಿಂಬಿಸುವಲ್ಲಿ ವಿಜಯ್ ಮಾಡಿದ ಪ್ರಯತ್ನವು ಒಂದು ಮಾಸ್ಟರ್‌ಸ್ಟ್ರೋಕ್ ಆಗಿ ಸಾಬೀತಾಯಿತು. ಆರಂಭದಲ್ಲಿ ಡಿಎಂಕೆ ಮತ್ತು ಎಐಎಡಿಎಂಕೆ ಎರಡರೊಂದಿಗಿನ ಮೈತ್ರಿಗಳನ್ನು ಸ್ಪಷ್ಟವಾಗಿ ತಳ್ಳಿಹಾಕಿದರು. ಇದು ವಿಜಯ್‌ಗೆ ಬಲವಾದ ಭ್ರಷ್ಟಾಚಾರ-ವಿರೋಧಿಯಾಗಿದ್ದು, ಪರ್ಯಾಯ ನಾಯಕ ಎಂದು ತೋರಿಸಿಕೊಳ್ಳಲು ನೆರವಾಯಿತು. ಇದು ಟಿವಿಕೆ ಸೈದ್ಧಾಂತಿಕ ಸ್ಪಷ್ಟತೆಯನ್ನು ನೀಡಿತ್ತಲ್ಲದೇ ವಿಶೇಷವಾಗಿ ನಗರ ಮತ್ತು ಯುವ ಮತದಾರರನ್ನು ಸೆಳೆಯಿತು. ಕಮಲ್ ಹಾಸನ್ ಮತ್ತು ರಜನಿಕಾಂತ್ ಅವರ ಚುನಾವಣಾ ರ‍್ಯಾಲಿ ವಿಜಯ್ ನಡೆಸಿದ ರ‍್ಯಾಲಿಗಳು ಸಾವಿರಾರು ಜನರನ್ನು ಆಕರ್ಷಿಸಿದವು. ಆದರೆ ಅದು ಮತಗಳಾಗಿ ರೂಪಾಂತರಗೊಳ್ಳಲಿಲ್ಲ.

2020 ರ ದಶಕದ ಆರಂಭದಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡ ವಿಜಯ್

2024 ರಲ್ಲಿ ತಮ್ಮ ಪಕ್ಷವನ್ನು ಪ್ರಾರಂಭಿಸುವ ಮೊದಲು ವಿಜಯ್ ತಮ್ಮ ರಾಜಕೀಯ ದೃಷ್ಟಿಕೋನಗಳನ್ನು ಹೇಗೆ ಪರೀಕ್ಷಿಸಿದರು ಎಂಬುದು ಮತ್ತೊಂದು ವಿಭಿನ್ನ ಅಂಶವಾಗಿದೆ. 2020 ರ ದಶಕದ ಆರಂಭದಲ್ಲಿ, ಚಲನಚಿತ್ರ ಬಿಡುಗಡೆಯ ಸಮಯದಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ಮೂಲಕ ವಿಜಯ್ ತಮ್ಮ ರಾಜಕೀಯ ದೃಷ್ಟಿಕೋನಗಳನ್ನು ತಿಳಿಸಲು ಪ್ರಾರಂಭಿಸಿದರು.

ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ಧ್ವನಿ: 2019 ರಲ್ಲಿ ಪೌರತ್ವ ತಿದ್ದುಪಡಿ ಕಾಯ್ದೆಯ ಬಗ್ಗೆ ಅವರ ಟೀಕೆ 'ರಾಜಕಾರಣಿ' ವಿಜಯ್ ಕಳುಹಿಸಿದ ಮೊದಲ ಸಂಕೇತಗಳಲ್ಲಿ ಒಂದಾಗಿತ್ತು. ರಾಜಕೀಯ ತಜ್ಞ ಟಿ.ಎಸ್. ಸುಧೀರ್ ಅವರ ಪ್ರಕಾರ, ವಿಜಯ್ ಅವರ 85,000 ಕ್ಕೂ ಹೆಚ್ಚು ಅಭಿಮಾನಿ ಸಂಘಗಳು ಸಹ ನಿರ್ಣಾಯಕ ಪಾತ್ರ ವಹಿಸಿವೆ. ಇವು ಸುಮಾರು 10 ವರ್ಷಗಳ ಕಾಲ ರಾಜಕೀಯ ಸಂಘಟನೆಯಂತೆ ಕೆಲಸ ಮಾಡಿವೆ, ಸಾಮಾಜಿಕ ಕಾರ್ಯಗಳನ್ನು ಮಾಡಿವೆ.'ವಿಜಯ್ ಸೈನ್ಯ'ದ ಸದಸ್ಯರು ತಮಿಳುನಾಡಿನಾದ್ಯಂತ ಬೀದಿಗಳಲ್ಲಿ ಕೆಲಸ ಮಾಡಿವೆ.

A GEN Z LEADER: ಇದಲ್ಲದೆ, ಇತರ ಸೂಪರ್‌ಸ್ಟಾರ್‌ಗಳಿಗಿಂತ ವಿಜಯ್ ಅವರನ್ನು ಬೆಂಬಲಿಸಿದ ಮತ್ತೊಂದು ಅಂಶವೆಂದರೆ GEN Z LEADER. ರಜನಿಕಾಂತ್ ತಮ್ಮ ರಾಜಕೀಯ ಪ್ರವೇಶವನ್ನು ಘೋಷಿಸಿದಾಗ ಅವರಿಗೆ 70 ವರ್ಷ ವಯಸ್ಸಾಗಿತ್ತು. ಹಾಸನ್ 65 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದರು. 51 ವರ್ಷ ವಯಸ್ಸಿನ ವಿಜಯ್ ಅವರನ್ನು ಯುವ ಅಥವಾ A GEN Z LEADER ರೀತಿ ನೋಡಲಾಗುತ್ತದೆ. 40 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 2 ಕೋಟಿಗೂ ಹೆಚ್ಚು ಯುವ ಮತದಾರರಲ್ಲಿ ಅವರ ಆಕರ್ಷಣೆ ನಿರ್ಣಾಯಕವಾಗಿದೆ. ದತ್ತಾಂಶದ ಪ್ರಕಾರ, ತಮಿಳುನಾಡಿನಲ್ಲಿ ಸುಮಾರು 41.5% ಮತದಾರರು 18-39 ವರ್ಷ ವಯಸ್ಸಿನವರಾಗಿದ್ದಾರೆ. ಇದಲ್ಲದೆ, ಅವರ ಅಭಿಮಾನಿಗಳಲ್ಲಿ ಗಣನೀಯ ಶೇಕಡಾವಾರು 35-40 ವರ್ಷ ವಯಸ್ಸಿನವರಿದ್ದಾರೆ. ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯ ಕಾರ್ಯಕರ್ತರಾಗಿ ಕೆಲಸ ಮಾಡಿದ್ದಾರೆ.

ಹೀಗಾಗಿ, ವಿಜಯ್ ಪಕ್ಕಾ ಪ್ಲಾನ್ ಮಾಡಿಕೊಂಡು ರಾಜಕೀಯದಲ್ಲಿ ಯಶಸ್ಸು ಹೊಂದಿದ್ದಾರೆ. ಡಿಎಂಕೆ ವಿರುದ್ಧದ ಆಕ್ರೋಶವನ್ನು ಆಧರಿಸಿ ಟಿವಿಕೆಯನ್ನು ಮುನ್ನಡೆಸಿದ್ದು ಕೇವಲ ಒಂದು ಆಕಸ್ಮಿಕ ಘಟನೆಯಲ್ಲ.ಈಗಾಗಲೇ ಇರುವ ಪಕ್ಷಗಳೊಂದಿಗೆ ತುಂಬಾ ಪೈಪೋಟಿ ಇತ್ತು. ಆದರೆ ವಿಜಯ್ ಅವರ ಚಿತ್ರಕಥೆಯು ರಜನಿಕಾಂತ್ ಅವರಂತೆ ಅವರ ಹಿಂದಿನವರಿಗಿಂತ ಭಿನ್ನವಾಗಿತ್ತು.