ಬೆಂಗಳೂರು: ಭಾರತವನ್ನು ಹಿಂದೂ ರಾಷ್ಟ್ರ ಮಾಡುವುದೇ ಬಿಜೆಪಿಯವರ ಅಜೆಂಡವಾಗಿದೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಹೇಳಿದ್ದಾರೆ. 

ಬೆಂಗಳೂರಿನ ಫ್ರೀಡಂಪಾರ್ಕ್ ನಲ್ಲಿ ನಡೆದ ಕ್ವಿಟ್ ಇಂಡಿಯಾ ಚಳುವಳಿ ಕಾರ್ಯಕ್ರಮದಲ್ಲಿ ಮಾತನಾಡಿದ ಸಿದ್ದರಾಮಯ್ಯ ಅವರು, ಭಾರತೀಯ ಜನತಾ ಪಕ್ಷ(ಬಿಜೆಪಿ)ವೆಂದರೆ ಅದು ಡೋಂಗಿ ಪಕ್ಷ. ಬಿಜೆಪಿಯರ ಡೋಂಗಿ ತನವನ್ನು ನಾವು ಕಳಚಿಡಬೇಕು. ದೇಶದಲ್ಲಿ ಗೋರಕ್ಷಣೆ ಹೆಸರಲ್ಲಿ ದಲಿತರ ಕೊಲೆಯಾಗುತ್ತಿದೆ. ಆದರೂ ಈ ಹತ್ಯೆಗಳ ಬಗ್ಗೆ ಯಾವುದೇ ಕ್ರಮಗಳನ್ನು ಕೈಗೊಂಡಿಲ್ಲ ಎಂದು ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದರು. 

ಇನ್ನು ದಲಿತರ ಓಲೈಕೆಗಾಗಿ ನಮ್ಮ ನಡೆ ದಲಿತರ ಕಡೆ ಎಂಬ ಯೋಜನೆ ತಂದರು. ದಲಿತರ ಮನೆಯಲ್ಲಿ ಊಟ ಮಾಡುವಂತೆ ಫೋಸ್ ಕೊಟ್ಟ ಬಿಜೆಪಿ ನಾಯಕರು ಹೊಟೇಲ್ ಊಟ ತಂದು ದಲಿತರ ಮನೆಯಲ್ಲಿ ತಿಂದರು ಎಂದು ಸಿದ್ದು ಬಿಜೆಪಿ ವಿರುದ್ದ ಗುಡುಗಿದ್ದಾರೆ.