ರಾಮನಗರದ: ಜೆಡಿಎಸ್ ತಾಲೂಕ ಅಧ್ಯಕ್ಷ ರಾಜಶೇಖರ್ ಅವರು ಶುಕ್ರವಾರ ನೀತಿ ಸಂಹಿತೆಯನ್ನು ಉಲ್ಲಂಘಿಸಿ, ಪತ್ರಿಕಾಗೋಷ್ಠಿಯಲ್ಲೇ ಜೆಡಿಎಸ್ ರಾಜ್ಯಾಧ್ಯಕ್ಷ ಎಚ್ ಡಿ ಕುಮಾರಸ್ವಾಮಿ ಅವರು ರಾಮನಗರದಿಂದ ಮತ್ತೆ ಗೆದ್ದುಬಂದರೆ ಪತ್ರಕರ್ತರಿಗೆ ಉಚಿತ ಸೈಟ್ ನೀಡುವುದಾಗಿ ಭರವಸೆ ನೀಡಿದರು. 

ಸ್ಥಳೀಯ ಪತ್ರಕರ್ತರಿಗೆ ಸೈಟ್ ನೀಡುವ ಯೋಜನೆ ಹಲವು ದಿನಗಳಿಂದ ಬಾಕಿ ಉಳಿದಿದ್ದು, ಈ ಬಾರಿ ಕುಮಾರಿಸ್ವಾಮಿ ಅವರು ರಾಮನಗರದಿಂದ ಗೆದ್ದು, ಮುಖ್ಯಮಂತ್ರಿಯಾದರೆ ಸೈಟ್ ನೀಡುವ ಭರವಸೆ ಈಡೇರಿಸುವುದಾಗಿ ರಾಜಶೇಖರ್ ಹೇಳಿದರು.

ಇದರಿಂದ ಮುಜುಗರಕ್ಕೊಳಗಾದ ಇತರೆ ಮುಖಂಡರು‌ ತಪ್ಪನ್ನು ಸರಿಪಡಿಸುವ ಪ್ರಯತ್ನ ಮಾಡಿದರು.

ಕುಮಾರಸ್ವಾಮಿ ಅವರು ರಾಮನಗರ ಮತ್ತು ಚೆನ್ನಪಟ್ಣಣ ಎರಡೂ ಕಡೆ ಸ್ಪರ್ಧಿಸುತ್ತಿದ್ದು, ಎರಡೂ ಕಡೆ ಗೆದ್ದರೆ ಚೆನ್ನಪಟ್ಟಣ ಕ್ಷೇತ್ರಕ್ಕೆ ರಾಜಿನಾಮೆ ನೀಡುತ್ತಾರೆ ಎಂದು ಹೇಳುವ ಮೂಲಕ ಪತ್ರಿಕಾಗೋಷ್ಠಿಯಲ್ಲಿದ್ದ ಇತರೆ ಪಕ್ಷದ ಮುಖಂಡರಿಗೆ ಮತ್ತೆ ಮುಜಗರ ಉಂಟು ಮಾಡಿದರು.