ಬೆಂಗಳೂರು: ನೂತನ 10 ಮಂದಿ ಸಚಿವರಿಗೂ ವಿಧಾನಸೌಧ ಹಾಗೂ ವಿಕಾಸಸೌಧದಲ್ಲಿ ಕೊಠಡಿ ಹಂಚಿಕೆ‌ ಮಾಡಲಾಗಿದೆ. ಸಚಿವ ಎಸ್ ಟಿ ಸೋಮಶೇಖರ್ ಗೆ ವಿಕಾಸಸೌಧ 38-39 ಕೊಠಡಿ ಹಂಚಲಾಗಿದೆ.

ಸಚಿವ ರಮೇಶ ಜಾರಕಿಹೊಳಿಗೆ ವಿಧಾನಸೌಧದ 342-342ಎ ಕೊಠಡಿಯನ್ನು ಹಂಚಲಾಗಿದೆ. ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ವಿಧಾಸೌಧದ 323 ಎ ಕೊಠಡಿಯಲ್ಲಿರುತ್ತಾರೆ.

ಉಪ ಮುಖ್ಯಮಂತ್ರಿಗಳಾದ ಗೋವಿಂದ ಕಾರಜೋಳ 340A, 341, ಡಾ. ಅಶ್ವತ್ಥ್ ನಾರಾಯಣ್ ವಿಕಾಸಸೌಧದ 242, 243 ಮತ್ತು ಲಕ್ಷ್ಮಣ ಸವದಿ ಅವರಿಗೆ ವಿಕಾಸಸೌಧದ 344, 345 ಕೊಠಡಿಗಳನ್ನು ಹಂಚಲಾಗಿದೆ. 

ರಮೇಶ್ ಜಾರಕಿಹೊಳಿ, ಶಿವರಾಂ ಹೆಬ್ಬಾರ್, ಕೆ. ಸುಧಾಕರ್, ಶ್ರೀಮಂತ್ ಪಾಟೀಲ್, ಬೈರತಿ ಬಸವರಾಜ್ ಮತ್ತು ಕೆ. ಗೋಪಾಲಯ್ಯ ಅವರಿಗೆ ವಿಧಾನಸೌಧದಲ್ಲಿ ಕೊಠಡಿಗಳನ್ನು ಹಂಚಿಕೆ ಮಾಡಲಾಗಿದೆ. ಖಾತೆ ಹಂಚಿಕೆಯಾದ ಬಳಿಕ ಈ ಕೊಠಡಿಗಳಿಗೆ ಅವರ ಖಾತೆಯ ನಾಮಫಲಕ ಅಳವಡಿಕೆಯಾಗಲಿದೆ.