ಶಿವಮೊಗ್ಗ: ಆರ್‌ಡಿಪಿಆರ್ ಸಚಿವ ಮತ್ತು ಬಿಜೆಪಿ ಹಿರಿಯ ನಾಯಕ ಕೆ ಎಸ್ ಈಶ್ವರಪ್ಪ ಅವರು ಭಾನುವಾರ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್, ಮಾಜಿ ಕೆಪಿಸಿಸಿ ಅಧ್ಯಕ್ಷ ಜಿ ಪರಮೇಶ್ವರ ಮತ್ತು ಶಾಸಕ ತನ್ವೀರ್ ಸೇಠ್ ಅವರನ್ನು ಕಾಂಗ್ರೆಸ್ ಸಿಎಂ ಅಭ್ಯರ್ಥಿಯಾಗಲು ಪರಸ್ಪರ ಸ್ಪರ್ಧಿಸುತ್ತಿರುವ "ಕೌರವರು" ಎಂದು ಕರೆದಿದ್ದಾರೆ.

ಜಿಲ್ಲಾ ಬಿಜೆಪಿಯ ಕಾರ್ಯಕಾರಿ ಸಮಿತಿ ಸಭೆಯನ್ನುದ್ದೇಶಿಸಿ ಮಾತನಾಡಿದ ಈಶ್ವರಪ್ಪ, “ಪಂಚ ಪಾಂಡವರು ಧರ್ಮ ಸಂರಕ್ಷಣೆಗಾಗಿ ಇದ್ದರೆ ಕರ್ನಾಟಕದಲ್ಲಿ ಪಂಚ ಕೌರವರಿದ್ದಾರೆ" ಎಂದರು.

"ಈ ಜನರು ಅಧಿಕಾರವನ್ನು ಕಸಿದುಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಸಾಮಾಜಿಕ ನ್ಯಾಯವನ್ನು ಬೋಧಿಸುವ ಸಿದ್ದರಾಮಯ್ಯ ಅವರು ಮುಂದಿನ ಮುಖ್ಯಮಂತ್ರಿ ಎಂದು ಹೇಳಿಕೊಳ್ಳುತ್ತಾರೆ. ಯಾವುದೇ ವ್ಯಕ್ತಿ ಆರಾಧನೆಯನ್ನು ವಿರೋಧಿಸುವ ಶಿವಕುಮಾರ್, ಅವರು ಮುಂದಿನ ಸಿಎಂ ಆಗುತ್ತಾರೆ ಎಂದು ಹೇಳಲು ಅವರ ಅನುಯಾಯಿಗಳನ್ನು ಮುಂದೆ ಬಿಡುತ್ತಾರೆ. ದಲಿತ ನಾಯಕ ಪರಮೇಶ್ವರ ಮುಂದಿನ ಸಿಎಂ ಆಗಲು ಬಯಸುತ್ತಾರೆ ಅಲ್ಪಸಂಖ್ಯಾತ ಮುಖಂಡ ಸೇಠ್ ಅವರು ಸಹ ಸಿಎಂ ಆಗಲು ಬಯಸುತ್ತಾರೆ.

ಈ ನಾಯಕರು ತಾವು ರಾಜ್ಯದ ಮುಂದಿನ ಮುಖ್ಯಮಂತ್ರಿ ಎಂದು ಹೇಳಿಕೊಳ್ಳುತ್ತಾರೆ. ಜನರು ನಿರ್ಧರಿಸುವ ಮೊದಲೇ ಅವರು ಸಿಎಂ ಆಗಲು ನಿರ್ಧರಿಸಿದ್ದಾರೆ. "ಜನರು ಕಾಂಗ್ರೆಸ್ ಅನ್ನು ತಿರಸ್ಕರಿಸಿದ್ದಾರೆ, ಈ ನಾಯಕರು ಮುಂದಿನ ಸಿಎಂ ಎಂದು ನಾಚಿಕೆಯಿಲ್ಲದೆ ಹೇಳಿಕೊಳ್ಳುತ್ತಿದ್ದಾರೆ ”ಎಂದು ಈಶ್ವರಪ್ಪ ಲೇವಡಿ ಮಾಡಿದರು.