ಬೆಳಗಾವಿ: ಕುಟುಂಬದಿಂದ ಈಗಾಗಲೇ ಮೂವರು ಶಾಸಕರಿದ್ದರೂ ಜಾರಕಿಹೊಳಿ ಸಹೋದರರು ತಮ್ಮ ಮತ್ತೊಬ್ಬ ಕಿರಿಯ ಸಹೋದರನನ್ನು ಶಾಸಕನಾಗಿಸಲು ಹೊರಟಿದ್ದಾರೆ.

2022 ರ ಜನವರಿಯಲ್ಲಿ ನಡೆಯುವ ಬೆಳಗಾವಿ ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಲಖನ್ ಜಾರಕಿಹೊಳಿಯನ್ನು ಕಣಕ್ಕಿಳಿಸಲು ತಯಾರಿ ನಡೆಸುತ್ತಿದ್ದಾರೆ.

ಜಾರಕಿಹೊಳಿ ಕುಟುಂಬದ ಮೂವರು ಶಾಸಕರಷ್ಟು ಲಖನ್ ಜನಪ್ರಿಯವಾಗಿಲ್ಲ,  ಹೀಗಾಗಿ ಚುನಾವಣಾ ರಾಜಕಾರಣದ ಮೂಲಕ ಆಯ್ಕೆಯಾಗುವುದು ಕಷ್ಟಕರವಾಗಿದೆ.

ಲಖನ್ ಜಾರಕಿಹೊಳಿ ಬೆಂಬಲ ಕೋರಿ ಬಿಜೆಪಿ ನಾಯಕರು ಗೋಕಾಕ್‌ನಲ್ಲಿ ಅವರನ್ನು ಭೇಟಿಯಾದಾಗಿನಿಂದ, ಜಾರಕಿಹೊಳಿ ಸಹೋದರರು ಕೌನ್ಸಿಲ್ ಚುನಾವಣೆಯಲ್ಲಿ ಬಿಜೆಪಿಯಿಂದ ಅವರನ್ನು ಕಣಕ್ಕಿಳಿಸಲು ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

ಒಂದು ವೇಳೆ ಬಿಜೆಪಿ ಟಿಕೆಟ್ ನಿರಾಕರಿಸಿದರೇ ಸ್ವತಂತ್ರ್ಯವಾಗಿ ಸ್ಪರ್ಧಿಸುವಂತೆ ಹಲವು ನಾಯಕರು ಅವರಿಗೆ ಸಲಹೆ ನೀಡುತ್ತಿದ್ದಾರೆ. ಕೌನ್ಸಿಲ್ ಚುನಾವಣೆ ಜಾರಕಿಹೊಳಿ ಸಹೋದರರಿಗೆ ಹೊಸತಲ್ಲ. ಸದ್ಯ ಶಾಸಕರಾಗಿರುವ ಸತೀಶ್ ಜಾರಕಿಹೊಳಿ  ಈ ಹಿಂದೆ ಎರಡು ಬಾರಿ ಬೆಳಗಾವಿ ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಸ್ಪರ್ಧಿಸಿ ಗೆಲುವು ಸಾಧಿಸಿದ್ದರು.