ಗುರುಗ್ರಾಮ: 2018 ರಲ್ಲಿ ಅತ್ಯಾಧುನಿಕ ಆಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂ ನೊಂದಿಗೆ ತಯಾರಾಗಿದ್ದ ಎಲ್ಲಾ ಸ್ಮಾರ್ಟ್ ಫೋನ್ ಗಳನ್ನೂ ಗೂಗಲ್ ಹಾಗೂ ಒನ್ ಪ್ಲಸ್ ಮೊಬೈಲ್ ಬ್ರಾಂಡ್ ಗಳು ಮಾರಾಟ ಮಾಡಿವೆ.
ಮಾರುಕಟ್ಟೆ ಸಂಶೋಧನೆ ಟೆಕ್ ಎಆರ್ ಸಿ ಪ್ರಕಾರ 2018 ರಲ್ಲಿ ತಯಾರಾದ ತನ್ನೆಲ್ಲಾ ಸ್ಮಾರ್ಟ್ ಫೋನ್ ಗಳನ್ನು ಮಾರಾಟ ಮಾಡಿರುವುದು ಎರಡೇ ಬ್ರಾಂಡ್ ಗಳಾಗಿದ್ದು ಅದು ಗೂಗಲ್ ಮತ್ತು ಒನ್ ಪ್ಲಸ್ ಸಂಸ್ಥೆಗಳಾಗಿವೆ. ವಿವಿಧ ಸ್ಮಾರ್ಟ್ ಫೋನ್ ಸಂಸ್ಥೆಗಳಿಂದ ಕಳೆದ ವರ್ಷ ಒಟ್ಟು 32 ಸ್ಮಾರ್ಟ್ ಫೋನ್ ಮಾದರಿ (ಮಾಡೆಲ್) ಗಳು ಬಿಡುಗಡೆಯಾಗಿದ್ದು ಈ ಪೈಕಿ ವಿವೋ ಅತಿ ಹೆಚ್ಚು ಅಂದರೆ 7 ಮಾಡೆಲ್ ಗಳನ್ನು ತಯಾರಿಸಿ ಮಾರುಕಟ್ಟೆಗೆ ಪರಿಚಯಿಸಿತ್ತು. ನಂತರದ ಸ್ಥಾನದಲ್ಲಿ 4 ಮಾಡೆಲ್ ಗಳನ್ನು ಪರಿಚಯಿಸಿದ್ದ ನೋಕಿಯಾ ಇತ್ತು.
ಪ್ರಾರಂಭಿಕ ಬೆಲೆಯಾದ 5,000 ರೂಪಾಯಿಗಳಿಗೆ ಲಭ್ಯವಿರುವ ಸ್ಮಾರ್ಟ್ ಫೋನ್ ಗಳಲ್ಲೂ ಅತ್ಯಾಧುನಿಕ ಆಂಡ್ರಾಯ್ಡ್ ಒ.ಎಸ್ ಲಭ್ಯವಿದೆ.