ಕೀನ್ಯಾದ ನೈರೋಬಿ ರಾಷ್ಟ್ರೀಯ ಉದ್ಯಾನವನದಲ್ಲಿ 2017ರ ಅಕ್ಟೋಬರ್ 15ರಂದು ಜನಿಸಿದ್ದ ಘೇಂಡಾಮೃಗ ಮರಿಗೆ ಬಾಲಿವುಡ್ ನಟಿ ದಿಯಾ ಮಿರ್ಜಾ ಅವರ ಹೆಸರಿಡಲಾಗಿದೆ. 

ನಟಿ-ನಿರ್ಮಾಪಕಿ ದಿಯಾ ಮಿರ್ಜಾ ವಿಶ್ವಸಂಸ್ಥೆ ಪರಿಸರ ಸದ್ಭಾವನಾ ರಾಯಭಾರಿಯಾಗಿ ನೇಮಕವಾಗಿದ್ದರು. ಈ ಹಿನ್ನೆಲೆಯಲ್ಲಿ ಘೇಂಡಾಮೃಗ ಮರಿಗೆ ದಿಯಾ ಮಿರ್ಜಾ ಎಂದು ಹೆಸರಿಡಲಾಗಿತ್ತು. 

ಅಳಿವಿನ ಅಂಚಿನಲ್ಲಿರುವ ಘೇಂಡಾಮೃಗದ ರಕ್ಷಣೆ ಕುರಿತು ಜಾಗೃತ ಮೂಡಿಸುವ ಸಲುವಾಗಿ ಹಮೀದ್ ಹುಸೈನ್ ಮತ್ತು ರಿಚರ್ಡ್ ಅವರು ದಿಯಾ ಮಿರ್ಜಾ ಹೆಸರನ್ನು ಘೇಂಡಾಮೃಗಕ್ಕೆ ಇಟ್ಟಿದ್ದು ಈ ಕುರಿತು ಹರ್ಷ ವ್ಯಕ್ತಪಡಿಸಿರುವ ದಿಯಾ ಮಿರ್ಜಾ ಘೇಂಡಾಮೃಗದ ಮರಿಗೆ ನನ್ನ ಹೆಸರಿಟ್ಟಿರುವುದಕ್ಕೆ ಅಭಾರಿ ಎಂದು ಹೇಳಿದ್ದಾರೆ. 

ದಿಯಾ ಮಿರ್ಜಾ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಶೇರ್ ಮಾಡಿದ್ದು ಹಮೀದ್ ಹುಸೈನ್ ಮತ್ತು ಮುಹಮ್ಮದ್ ಯಾಕೂಬ್ ಮತ್ತು ತಂಡದ ಎಲ್ಲರಿಗೂ #OlPejetaConservancy, ರಿಚರ್ಡ್, ಸರಾಹ್ ಮತ್ತು ಎಲೋಡಿ ಅವರಿಗೆ ಧನ್ಯವಾದ ತಿಳಿಸಲು ಸಂತೋಷಿಸುತ್ತೇನೆ ಎಂದಿದ್ದಾರೆ.