ಹೈದರಾಬಾದ್: ಕೊರೋನಾವೈರಸ್ ಸೋಂಕಿನಿಂದ ಕೆಲವರು ದೀರ್ಘಕಾಲದವರೆಗೆ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಇವರಲ್ಲಿ ಹೆಚ್ಚಿನವರು ಕೊರೋನಾ ವೈರಸ್‌ನಿಂದ ಶ್ವಾಸಕೋಶದ ಕಾಯಿಲೆಗೆ ಒಳಗಾಗಿದ್ದಾರೆ. ಅಂತಹ 12 ವರ್ಷದ ಬಾಲಕ ಶೌರ್ಯ. ಬರೋಬ್ಬರಿ 65 ದಿನಗಳ ಕಾಲ ಎಕ್ಸ್‌ಟ್ರಾಕಾರ್ಪೋರಿಯಲ್ ಮೆಂಬರೇನ್ ಆಕ್ಸಿಜನೇಷನ್(ಇಸಿಎಂಒ) ಲೈಫ್ ಸಪೋರ್ಟ್‌ನಲ್ಲಿ ಇರಿಸಲಾಗಿತ್ತು.
ಉತ್ತರಪ್ರದೇಶದ ಲಖನೌ ನಿವಾಸಿ. ಶೌರ್ಯಗೆ ಕೊರೊನಾ ವೈರಸ್ ಸೋಂಕು ತಗುಲಿತ್ತು. ಆದರೆ ಮೊದಲಿಗೆ ಕೋವಿಡ್ ಎಂದು ತಿಳಿದಿರಲಿಲ್ಲ. ವೈರಲ್ ನ್ಯುಮೋನಿಯಾ ಎಂದು ಚಿಕಿತ್ಸೆ ನೀಡಲಾಯಿತು. ಚಿಕಿತ್ಸೆ ವೇಳೆ ಬಾಲಕನಿಗೆ ಗಂಭೀರ ಶ್ವಾಸಕೋಶದ ಕಾಯಿಲೆ ಇರುವುದು ಕಂಡುಬಂದಿತ್ತು. ಆದರೆ ಈಗ ಆತ ಸಂಪೂರ್ಣ ಆರೋಗ್ಯವಾಗಿದ್ದಾನೆ. ಅವರು 65 ದಿನಗಳ ಕಾಲ ಲೈಫ್ ಸಪೋರ್ಟ್ ಸಿಸ್ಟಂನಲ್ಲಿ ಇದ್ದರು. ಅಚ್ಚರಿ ಎಂದರೆ ಶ್ವಾಸಕೋಶದ ಕಸಿ ಮಾಡದೇ ಗುಣಮುಖರಾಗಿದ್ದಾರೆ. ಭಾರತ ಮತ್ತು ಏಷ್ಯಾದಲ್ಲಿ ಇದು ಮೊದಲ ಪ್ರಕರಣ ಎಂದು ನಂಬಲಾಗಿದೆ.
ಮೊದಲಿಗೆ ಲಖನೌದ ವೈದ್ಯರು ಶ್ವಾಸಕೋಶ ಕಸಿ ಮಾಡುವಂತೆ ಪೋಷಕರಿಗೆ ಸಲಹೆ ನೀಡಿದ್ದರು. ಆದರೆ ಪೋಷಕರು ಹೆಲಿಲಿಫ್ಟ್ ಮಾಡಿ ಹೈದರಾಬಾದ್‌ನ ಕಿಮ್ಸ್ ಆಸ್ಪತ್ರೆಗೆ ಕರೆತಂದರು. ಅಲ್ಲಿ ತಕ್ಷಣ ಕ್ಸಿಮ್ಸ್ ಹೃದಯ-ಶ್ವಾಸಕೋಶ ಕಸಿ ಸಂಸ್ಥೆಯ ವೈದ್ಯ ಸಂದೀಪ್ ಅತ್ತಾವರ ಚಿಕಿತ್ಸೆ ಆರಂಭಿಸಿದರು. ರೋಗಿಯ ನಮ್ಮ ಬಳಿಗೆ ಬಂದಾಗ ಅವನ ಶ್ವಾಸಕೋಶಗಳು ನಿತ್ರಾಣಗೊಂಡಿದ್ದವು. ಅವನ ದೇಹಕ್ಕೆ ಆಮ್ಲಜನಕವನ್ನು ಪೂರೈಸಲು ಸಾಧ್ಯವಾಗಲಿಲ್ಲ. ECMO ಬೆಂಬಲದೊಂದಿಗೆ, ಅವನ ಶ್ವಾಸಕೋಶಗಳಿಗೆ ವಿಶ್ರಾಂತಿ ನೀಡಲಾಯಿತು ಮತ್ತು ಕ್ರಮೇಣ ಅವನನ್ನು ಬೆಂಬಲಿಸಲು ಸಾಧ್ಯವಾಗುವಷ್ಟು ಕಾರ್ಯವನ್ನು ಮರಳಿ ಪಡೆಯಿತು ಎಂದು KIMS ಹೃದಯ ಮತ್ತು ಶ್ವಾಸಕೋಶದ ಸಂಸ್ಥೆಯ ಕಸಿ ಪಲ್ಮನಾಲಜಿ ಮುಖ್ಯಸ್ಥ ಡಾ. ವಿಜಿಲ್ ವಿವರಿಸಿದರು.
ECMO ಲೈಫ್ ಸಪೋರ್ಟ್‌ನಲ್ಲಿ 65 ದಿನಗಳ ನಂತರ ಶೌರ್ಯ ಚೇತರಿಸಿಕೊಂಡರು. ಪ್ರಸ್ತುತ ಆಸ್ಪತ್ರೆಯಲ್ಲಿ ಫಿಸಿಯೋಥೆರಪಿ ಮಾಡುತ್ತಿದ್ದಾರೆ. ವೈದ್ಯರ ಪ್ರಕಾರ, ಶೀಘ್ರದಲ್ಲೇ ಅವರನ್ನು ಡಿಸ್ಚಾರ್ಜ್ ಮಾಡಲಾಗುವುದು. ಮಗು ಚೇತರಿಸಿಕೊಂಡ ಬಳಿಕ ತಾಯಿ ರೇಣು ಶ್ರೀವಾಸ್ತವ್ ವೈದ್ಯರಿಗೆ ಧನ್ಯವಾದ ಹೇಳಿದ್ದಾರೆ. ಶೌರ್ಯ ತಂದೆ ರಾಜೀವ್ ಶರಣ್ ಲಖನೌದಲ್ಲಿ ವಕೀಲರಾಗಿದ್ದಾರೆ. ಲಖನೌ ನಲ್ಲಿ ECMO ಸೌಲಭ್ಯ ಇರಲಿಲ್ಲ. ಇದರ ಬಗ್ಗೆ ನನಗೂ ಏನೂ ತಿಳಿದಿರಲಿಲ್ಲ. ಮಗುವಿನ ಜೀವ ಉಳಿಸಿದ ವೈದ್ಯರಿಗೆ ಕೃತಜ್ಞತೆ ಸಲ್ಲಿಸಿದರು.
ECMOನಲ್ಲಿ ದೇಹದ ರಕ್ತವನ್ನು ಬಾಹ್ಯ ಯಂತ್ರಕ್ಕೆ ಆಮ್ಲಜನಕದೊಂದಿಗೆ ಕಳುಹಿಸಲಾಗುತ್ತದೆ. ಜೊತೆಗೆ ಅದರಿಂದ ಇಂಗಾಲದ ಡೈಆಕ್ಸೈಡ್ ಅನ್ನು ತೆಗೆದುಹಾಕಲಾಗುತ್ತದೆ. ಈ ಮೂಲಕ ಶೌರ್ಯ 65 ದಿನಗಳಲ್ಲಿ ಗುಣಮುಖರಾಗಿದ್ದಾರೆ. ಅವರಿಗೆ ಶ್ವಾಸಕೋಶ ಕಸಿ ಮಾಡುವ ಅಗತ್ಯವಿರಲಿಲ್ಲ.
ಇದಕ್ಕೂ ಮೊದಲು, ಚೆನ್ನೈನ 56 ವರ್ಷದ ವ್ಯಕ್ತಿಯನ್ನು ಶ್ವಾಸಕೋಶದ ಕಸಿ ಇಲ್ಲದೆ ECMO ಮತ್ತು ವೆಂಟಿಲೇಟರ್ ಮೂಲಕ 109 ದಿನಗಳಲ್ಲಿ ಗುಣಪಡಿಸಲಾಯಿತು. ಆದರೆ ಶೌರ್ಯ ಇಡೀ ಏಷ್ಯಾದಲ್ಲಿಯೇ ಮೊದಲ ಮಗುವಾಗಿದ್ದು, ಇಷ್ಟು ದಿನ ECMO ನಲ್ಲಿ ಇರಿಸಿಕೊಂಡು ಗುಣಮುಖರಾಗಿದ್ದಾರೆ. ಕೊರೋನಾದಿಂದ ಶೌರ್ಯ ಬಹು ಅಂಗಾಂಗಗಳ ಸೋಂಕಿಗೆ ಒಳಗಾಗಿದ್ದರು ಎಂದು ವೈದ್ಯರು ಹೇಳಿದ್ದಾರೆ.