ನವದೆಹಲಿ: ಭಾರತದ ಕುಸ್ತಿ ಪಟುಗಳಾದ ಗೀತಾ ಫೋಗತ್ ಮತ್ತು ಬಜ್ರಂಗ್ ಅವರು ಅಮರಿಕದಲ್ಲಿ ನಡೆದ ಡೇವ್ ಸುಲ್ತಾಜ್ ಸ್ಮಾರಕ ಅಂತಾರಾಷ್ಟ್ರೀಯ ಕುಸ್ತಿ ಪಂದ್ಯಾವಳಿಯಲ್ಲಿ ಕ್ರಮವಾಗಿ ಮಹಿಳೆಯರ ಮತ್ತು ಪುರುಷರ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡರು.
ಗಾಯದಿಂದ ಬಳಲುತ್ತಿದ್ದ ಗೀತಾ ಅವರು 59ಕೆಜಿ ವಿಭಾಗದ ಫೈನಲ್‌ನಲ್ಲಿ ಚೀನಾ ಹ್ಯೂ ಲಿ ವಿರುದ್ಧ ಹೋರಾಡದೇ ಹಿಂದೆ ಸರಿದ ಪರಿಣಾಮ, ಬೆಳ್ಳಿಗೆ ತೃಪ್ತಿಪಟ್ಟರು. ಇನ್ನು ಪುರುಷರ ವಿಭಾಗದ 60ಕೆಜಿ ವಿಭಾಗದ ಫ್ರೀಸ್ಟೈಲ್ ಸ್ಪರ್ಧೆಯಲ್ಲಿ ಹೂಕಿ ಮ್ಯಾಟ್ ಕ್ಲಬ್‌ನ ಡಿವೈನ್ ಕಾರ್ಟರ್ ಅವರನ್ನು ಪರಾಭವಗೊಳಿಸುವ ಮೂಲಕ ಬೆಳ್ಳಿ ಪದಕ ಗೆದ್ದುಕೊಂಡರು.
ಭಾರತದ ಇನ್ನೊಬ್ಬ ಸ್ಪರ್ಧಾಳು ಸಂದೀಪ್ ತಾಮರ್ ಅವರು 55ಕೆಜಿ ಫ್ರೀ ಸ್ಟೈಲ್ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದುಕೊಂಡರು.
ಆದರೆ, ಕಳೆದ ವರ್ಷ 55ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿದ್ದ ಅಮಿತ್ ಕುಮಾರ್ ಅವರು ದ್ವಿತೀಯ ಸುತ್ತಿನಲ್ಲಿ ಮಾರ್ಕ್ ಮ್ಯಾಕ್‌ನೈಟ್ ವಿರುದ್ಧ ಸೋಲುವ ಮೂಲಕ ಕೈಚೆಲ್ಲಿದರು. ಲಂಡನ್ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಬೆಳ್ಳಿ ಗೆದ್ದುಕೊಂಡ ಸುಶೀಲ್ ಕುಮಾರ್ ಗಾಯದ ಹಿನ್ನೆಯೆಲ್ಲಿ ಪಂದ್ಯಾವಳಿಯಲ್ಲಿ ಭಾಗವಹಿಸಿರಲಿಲ್ಲ.