ಪಲ್ಲೆಕೆಲೆ: ಮಳೆ ಅಡ್ಡಿಯಿಂದ ಡಕ್ವರ್ತ್ ಲೂಯಿಸ್ ನಿಯಮ ಅಳವಡಿಸಲಾದ 3ನೇ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಬಾಂಗ್ಲಾದೇಶ 3 ವಿಕೆಟ್‌ಗಳ ಅಂತರದಿಂದ ಜಯ ಸಾಧಿಸಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಶ್ರೀಲಂಕಾ, ತಿಲಕರತ್ನೆ ದಿಲ್ಷಾನ್ (125) ಅಮೋಘ ಶತಕದ ನೆರವಿನೊಂದಿಗೆ 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 302 ರನ್ ಗಳಿಸಿತು. ಆದರೆ, ನಂತರ ಬಾಂಗ್ಲಾ 13.4 ಓವರ್‌ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 78 ರನ್ ಗಳಿಸುತ್ತಿದ್ದಂತೆ ಮಳೆ ಆರಂಭವಾಯಿತು. ಹೀಗಾಗಿ ಪಂದ್ಯವನ್ನು ಡಕ್ವರ್ತ್ ಲೂಯಿಸ್ ನಿಯಮದ ಪ್ರಕಾರ 27 ಓವರ್‌ಗಳಿಗೆ ಸೀಮಿತಗೊಳಿಸಿ 183 ರನ್‌ಗಳ ಗುರಿ ನೀಡಲಾಯಿತು. ಈ ಗುರಿ ಬೆನ್ನಟ್ಟಿದ ಬಾಂಗ್ಲಾ 7 ವಿಕೆಟ್ ಕಳೆದುಕೊಂಡು ಇನ್ನೂ ಒಂದು ಓವರ್ ಬಾಕಿ ಇರುವಂತೆಯೇ 184 ರನ್ ಗಳಿಸಿ ಗೆಲುವಿನ ನಗೆ ಬೀರಿತು. ಹೀಗಾಗಿ ಲಂಕಾದ ದಿಲ್ಷಾನ್ ಶತಕ ವ್ಯರ್ಥವಾಯಿತು.ಇದರೊಂದಿಗೆ 3 ಪಂದ್ಯಗಳ ಸರಣಿ 1-1 ಅಂತರದಿಂದ ಸಮಬಲಗೊಂಡಿತು.
ಶ್ರೀಲಂಕಾ 302/9 (50 ಓವರ್)
ದಿಲ್ಷಾನ್ 125, ಪೆರೆರಾ 56
ಬೌಲಿಂಗ್: ರಜಾಕ್ 62/5, ಮೊಹ್ಮದುಲ್ಲಾ 50/1
ಬಾಂಗ್ಲಾ 184/7 (26 ಓವರ್)
ಅನಾಮುಲ್ ಹಕ್ 40, ನಾಸೀರ್ ಹುಸೇನ್ 33
ಬೌಲಿಂಗ್: ಮಲಿಂಗಾ 29/2, ಸೇನಾನಾಯಕೆ 26/2