ನವದೆಹಲಿ: ಸನ್ ರೈಸರ್ಸ್ ಹೈದರಾಬಾದ್ ತಂಡದ ವೇಗಿ ಡೇಲ್ ಸ್ಟೇಯ್ನ್ ಅವರು, ನಾನು ಉಮೇಶ್ ಯಾದವ್ ಅವರ ದೊಡ್ಡ ಅಭಿಮಾನಿ ಮತ್ತು ಮುಂದಿನ ವರ್ಷಗಳಲ್ಲಿ ಉಮೇಶ್ ಇನ್ನು ಎತ್ತರಕ್ಕೆ ಏರಲಿದ್ದಾರೆ ಎಂದಿದ್ದಾರೆ.
೧೨ ಟೆಸ್ಟ್ ಪಂದ್ಯಗಳಲ್ಲಿ ಹಾಗು ೪೮ ಒಂದು ದಿನದ ಪಂದ್ಯಗಳಲ್ಲಿ ಭಾರತವನ್ನು ಪ್ರತಿನಿಧಿಸಿರುವ ಯಾದವ್ ಇತ್ತೀಚೆಗೆ ಮುಗಿದ ವಿಶ್ವ ಕಪ್ ಸರಣಿಯಲ್ಲಿ ೮ ಪಂದ್ಯಗಳಿಂದ ೧೮ ವಿಕೆಟ್ ಪಡೆದಿದ್ದರು.
"ನಾನು ಯಾದವ್ ಅವರ ಅತಿ ದೊಡ್ಡ ಅಭಿಮಾನಿ. ನನಗೆ ವೇಗದ ಬೌಲರ್ ಗಳೆಂದರೆ ಇಷ್ಟ. ನಾವಿಬ್ಬರೂ ಒಂದೇ ಎತ್ತರಕ್ಕಿದ್ದೇವೆ. ಅವರು ನನಗಿಂತ ಬಲಶಾಲಿ ಹಾಗೂ ಬಾಲನ್ನು ಸ್ವಿಂಗ್ ಮಾಡುತ್ತಾರೆ. ದಿನಕಳೆದಂತೆ ಉಮೇಶ್ ಇನ್ನು ಎತ್ತರಕ್ಕೆ ಏರಲಿದ್ದಾರೆ. ಆವರು ಉತ್ತಮ ಟೆಸ್ಟ್ ಬೌಲರ್ ಆಗಿಯೂ ಬೆಳೆಯಲಿದ್ದಾರೆ" ಎಂದು ಸ್ಟೇಯ್ನ್ ಪಿಟಿಐ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಮಹೇಂದ್ರ ಸಿಂಗ್ ಧೋನಿ ಅವರ ನಾಯಕತ್ವವನ್ನು ಕೂಡ ಸ್ಟೇಯ್ನ್ ಹಾಡಿ ಹೊಗಳಿದ್ದಾರೆ. ಹಾಗೆಯೇ ಮತ್ತೊಬ್ಬ ವೇಗದ ಬೌಲರ್ ಇಶಾಂತ್ ಶರ್ಮಾ ಅವರ ಬಗ್ಗೆಯೂ ಹೊಗಳಿ, ಅವರು ಕೂಡ ಒಳ್ಳೆಯ ಬೌಲರ್ ಎಂದಿದ್ದಾರೆ.