ಅಹ್ಮದಾಬಾದ್: ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದ ಪರ ಆಕರ್ಷಕ ಆರಂಭಿಕ ಜತೆಯಾಟ ನೀಡುವ ಕುರಿತು ಮಾತನಾಡಿರುವ ಅಜಿಂಕ್ಯ ರಹಾನೆ, ಸಹ ಆಟಗಾರ ಶೇನ್ ವ್ಯಾಟ್ಸನ್ ಜತೆಗೆ ಉತ್ತಮ ಹೊಂದಾಣಿಕೆಯನ್ನು ಹೊಂದಿದ್ದೇನೆ. ಇಬ್ಬರೂ ಪರಸ್ಪರ ಯಶಸ್ಸನ್ನು ಆನಂದಿಸುತ್ತೇವೆ. ಹಾಗಾಗಿ ಉತ್ತಮ ಜತೆಯಾಟ ನೀಡಲು
ಸಾಧ್ಯವಾಗುತ್ತಿದೆ ಎಂದು ತಿಳಿಸಿದ್ದಾರೆ.
ರಾಜಸ್ಥಾನ ರಾಯಲ್ಸ್ ಪರ ರಹಾನೆ ಹಾಗೂ ವ್ಯಾಟ್ಸನ್ ಕಳೆದ ಎರಡು ಪಂದ್ಯಗಳಲ್ಲಿ ಕ್ರಮವಾಗಿ 144 ಹಾಗೂ 95 ರನ್‍ಗಳ ಉತ್ತಮ ಜತೆಯಾಟವಾಡಿದ್ದಾರೆ. ವ್ಯಾಟ್ಸನ್ ಸ್ಫೋಟಕವಾಗಿ ಆಡುವಾಗ ನಾನು ಅವರಿಗೆ ಸಾಥ್ ನೀಡುವ ಕಾರ್ಯನಿರ್ವಹಿಸುತ್ತೇನೆ. ನಾವಿಬ್ಬರೂ ಬ್ಯಾಟಿಂಗ್‍ನಲ್ಲಿ ಉತ್ತಮ ಲಯ ಕಂಡುಕೊಂಡಿದ್ದು, ಇನಿಂಗ್ಸ್ ಕಟ್ಟುವ ಬಗ್ಗೆ ಹೆಚ್ಚು ಗಮನ ಹರಿಸುತ್ತೇವೆ