ಜಕಾರ್ತ: ಚೀನಾದ ವಾಂಗ್ ಯಿಹಾನ್ ಅವರನ್ನು ಕ್ವಾರ್ಟರ್ ಫೈನಲ್ ನಲ್ಲಿ ಶುಕ್ರವಾರ ಸೋಲಿಸುವ ಮೂಲಕ ಸೈನಾ ನೆಹ್ವಾಲ್ ಮಹಿಳೆಯರ ವಿಶ್ವ ಬ್ಯಾಡ್ಮಿಂಟನ್ ಚ್ಯಾಂಪಿಯನ್ ಶಿಪ್ ನಲ್ಲಿ ಗೆಲ್ಲುವ ಭಾರತದ ಕನಸನ್ನು ಜೀವಂತವಾಗಿರಿಸಿದ್ದಾರೆ.

ಅವರು ಇಂದು ನಡೆದ 7ನೇ ವಿಶ್ವ ಚಾಂಪಿಯನ್ ಷಿಪ್ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ವಾಂಗ್ ಯಿಹಾನ್ ಅವರನ್ನು 21-15, 19-21, 21-19  ಅಂತರದಲ್ಲಿ ಸೋಲಿಸುವ ಮೂಲಕ ತಮ್ಮ ವೃತ್ತಿ ಜೀವನದಲ್ಲಿ ಪ್ರಥಮ ಬಾರಿಗೆ ಸೆಮಿ ಫೈನಲ್ ಪ್ರವೇಶಿಸಿದ್ದಾರೆ.ಇದರಿಂದ ಭಾರತಕ್ಕೆ ಕಂಚಿನ ಪದಕ ಸಿಗುವುದು ಖಚಿತವಾಗಿದೆ.

ಅವರು ನಾಳೆ ಜಕಾರ್ತದ ಆಟಗಾರ್ತಿ ಲಿಂಡವೇಣಿ ಫನೆತ್ರಿ ಅವರ ಎದುರು ಸೆಮಿ ಫೈನಲ್ ಸೆಣಸಲಿದ್ದಾರೆ.