ವ್ರೊಕ್ಲಾವ್ (ಪೋಲೆಂಡ್): ಏಷ್ಯನ್ ಕ್ರೀಡಾಕೂಟದ ಬೆಳ್ಳಿ ಪದಕ ವಿಜೇತ ಅಭಿಷೇಕ್ ವರ್ಮಾ, ಆರ್ಚರಿ ವಿಶ್ವಕಪ್ ಟೂರ್ನಿ (ಮೂರನೇ ಹಂತ)ಯಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.

ಶನಿವಾರ ನಡೆದ ಪುರುಷರ ಕಾಂಪೌಡ್ ವೈಯಕ್ತಿಕ ವಿಭಾಗದ ಅಂತಿಮ ಸುತ್ತಿನಲ್ಲಿ ಅವರು, ಒಟ್ಟು 148 ಅಂಕಗಳನ್ನು ಪೇರಿಸಿ ಸ್ವರ್ಣ ಸಾಧನೆ ಮಾಡಿದರು. ಅವರಿಗೆ ತೀವ್ರ ಪ್ರತಿಸ್ಪರ್ಧೆ ನೀಡಿದ್ದ ಇರಾನ್‍ನ ಇಸ್ಮಾಯಿಲ್ ಆಎಬಾದಿ 145 ಅಂಕ ಪೇರಿಸಿ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.

ಭಾರತದ ಇನ್ನಿತರೆ ಕ್ರೀಡಾಳುಗಳಾದ ದೀಪಿಕಾ ಕುಮಾರಿ ಹಾಗೂ ಮಂಗಲ್ ಸಿಂಗ್ ಜೋಡಿ, ಪಂದ್ಯಾವಳಿಯ ರಿಕರ್ವ್ ಮಿಶ್ರ ವಿಭಾಗದಲ್ಲಿ ಫೈನಲ್ ತಲುಪಿದ್ದು, ಭಾನುವಾರ ನಡೆಯುವ ಮುಖಾಮುಖಿಯಲ್ಲಿ ಚಿನ್ನ ಗೆಲ್ಲುವ ನಿರೀಕ್ಷೆ ಮೂಡಿಸಿದ್ದಾರೆ.