ಚೆನ್ನೈ: ಭಾರತದ ಖ್ಯಾತ ಸ್ನೂಕರ್ ತಾರೆ ಪಂಕಜ್ ಆಡ್ವಾಣಿ ಎಂಸಿಸಿ ಕಾಂಬಾಟ್ 6ರೆಡ್ ಸ್ನೂಕರ್ ಚಾಂಪಿಯನ್‍ಶಿಪ್‍ನಲ್ಲಿ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನಲ್ಲಿ ತಮ್ಮ ಪ್ರತಿಸ್ಪರ್ಧಿ ಅಲೋಕ್ ಕುಮಾರ್ ವಿರುದ್ಧ 7-6 ಫ್ರೇಮ್ಗಳ ಅಂತರದಲ್ಲಿ ರೋಚಕ ಗೆಲವು ದಾಖಲಿಸಿದರು. ಉಭ ಯರು ತಮ್ಮ ವಿಭಿನ್ನ  ತಂತ್ರಗಾರಿಕೆಯನ್ನು ಪ್ರದರ್ಶಿಸುವ ಮೂಲಕ ಪ್ರಬಲ ಹೋರಾಟ ನಡೆಸಿದರು. ಪರಿಣಾಮ ಪಂದ್ಯ 2 ಗಂಟೆ 40 ನಿಮಿಷಗಳ ಕಾಲ ನಡೆದಿದ್ದು, ಅಂತಿಮ ಫ್ರೇಮ್ ವರೆಗೂ ಹೋರಾಟ ಮುಂದುವರಿದಿತ್ತು. ಪಂದ್ಯದಲ್ಲಿ ಅಲೋಕ್ ಕುಮಾರ್ ಅವರಿಂದ ತೀವ್ರ ಪ್ರತಿರೋಧ  ಎದುರಿಸಿದರೂ ತಮ್ಮ ನಿಯಂತ್ರಣ ಕಳೆದುಕೊಳ್ಳದೇ ಆಡಿದ ವಿಶ್ವ ಚಾಂಪಿಯನ್ ಪಂಕಜ್ ಆಡ್ವಾಣಿ 68(68)--0, 37- 1, 0--68(68), 0--41, 71(71)--0, 72--0, 36--37, 45--16, 28--13, 9--41, 0 --48, 17--39, 39--30 ಫ್ರೇಮ್ಗಳಿಂದ ಗೆಲವು ದಾಖಲಿಸಿದರು.