ಪ್ರೊ ರೇಸ್ಲಿಂಗ್ ಲೀಗ್: ಸತತ ಎರಡನೇ ಬಾರಿ ಸೋತ ಡೆಲ್ಲಿ ಲೂಧಿಯಾನ ರೋಚಕ ಹಣಾಹಣಿಯಿಂದ ಕೂಡಿದ್ದ ಪಂದ್ಯದಲ್ಲಿ ಸತ್ಯವರ್ತ್ ಕಡಿಯನ್ ನಿರ್ಣಾಯಕ ಸೆಣಸಿನಲ್ಲಿ ಕೊಟ್ಟ ಮುನ್ನಡೆಯೊಂದಿಗೆ ಉತ್ತಪ್ರದೇಶ ವಾರಿಯರ್ಸ್ ತಂಡ ಪ್ರೊ ರೇಸ್ಲಿಂಗ್ ಲೀಗ್ ಟೂರ್ನಿಯಲ್ಲಿ ಮೊದಲ ಜಯ ಸಂಪಾದಿಸಿದೆ.

ಮಂಗಳವಾರ ನಡೆದ ಪಂದ್ಯದಲ್ಲಿ ವಾರಿಯರ್ಸ್ ತಂಡ ಡೆಲ್ಲಿ ವೀರ್ ತಂಡದ ವಿರುದ್ಧ 4-3 ಅಂತರದ ರೋಚಕ ಜಯ ಸಂಪದಿಸಿದೆ. ಮೊದಲ ಪಂದ್ಯದಲ್ಲಿ ಪುರುಷರ 57 ಕೆ.ಜಿ ವಿಭಾಗದಲ್ಲಿ ಡೆಲ್ಲಿಯ ವಿಶ್ವ ಚಾಂಪಿಯನ್‍ಶಿಪ್ ಕಂಚಿನ ಪದಕ ವಿಜೇತ ಬೆಬಯರ್ ಎರ್ಡನೆಬಟ್, ವಾರಿಯರ್ಸ್‍ನ ಜೈದೀಪ್ ವಿರುದ್ಧ 4-3 ಅಂತರದ ಮುನ್ನಡೆ ಸಾಧಿಸಿದರು. ಮಹಿಳೆಯರ 58 ಕೆ.ಜಿ ವಿಭಾಗದಲ್ಲಿ ವಾರಿಯರ್ಸ್ ತಂಡದ ಸರಿತಾ ತಮ್ಮ ಪ್ರತಿಸ್ಪರ್ಧಿ ಟರ್ಕಿಯ ಯಾಲಿರ್ಮಕ್ ವಿರುದಟಛಿ 1-0 ಅಂತರದಿಂದ ಮುನ್ನಡೆ ಸಾಧಿಸಿದರು.

ಪುರುಷರ 125 ಕೆ.ಜಿ ವಿಭಾಗದ ಪಂದ್ಯದಲ್ಲಿ ಡೆಲ್ಲಿಯ ಕೃಷ್ಣಕುಮಾರ್, ವಾರಿಯರ್ಸ್‍ನ ಜೊಗಿದರ್ ವಿರುದ್ಧ ಮೇಲುಗೈ ಸಾಧಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಮಹಿಳೆಯರ 48 ಕೆ.ಜಿ ವಿಭಾಗದಲ್ಲಿ ಡೆಲ್ಲಿಯ ವಿನೇಶ್ ಪೋಗತ್ ಕೊಗುಟ್ ಒಲೆಕ್ಸಾಂಡ್ರಾ ವಿರುದಟಛಿ ತಾಂತ್ರಿಕ ಆಧಾರದ ಮೇಲೆ 11-0 ಮುನ್ನಡೆ ಸಾಧಿಸಿದರು. ಪುರುಷರ 74 ಕೆ.ಜಿ ವಿಭಾಗದಲ್ಲಿ ಉನುರ್ಬಟ್, ಡೆಲ್ಲಿಯ ದಿನೇಶ್ ಕುಮಾರ್ ಅವರನ್ನು 5-0ಯಿಂದ ಮಣಿಸಿ ತಂಡದ ಅಂತರ ಕಡಿಮೆ ಮಾಡಿಕೊಂಡರು.

ಮಹಿಳೆಯರ 53 ಕೆ.ಜಿ ವಿಭಾಗದಲ್ಲಿ ಬಬಿತಾ ಕುಮಾರಿ, ಡೆಲ್ಲಿಯ ಲಿಲಿಯಾ ಹೊರಿಶ್ನಾ ವಿರುದ್ಧ 13-12 ಅಂತರದ ಜಯ ಸಾದಿಸಿದರು. ನಿರ್ಣಾಯಕ ಪುರುಷರ 97 ಕೆ.ಜಿ ವಿಭಾಗದ ಪಂದ್ಯದಲ್ಲಿ ಸತ್ಯವರ್ತ್, ಗುರ್ಪಾಲ್ ರನ್ನು ಮಣಿಸಿ ತಂಡಕ್ಕೆ ಜಯ ತಂದುಕೊಟ್ಟರು.